من طرف القصيدة
نتاج حالة يأس نتجت بسبب قراءتى للدستورالاسبوعى واطلاعى على احوال بلدنا
اللى بقت ابشع من ان احنا نقول عليها مجرد احوال مؤسفة ... لقيت نفسى بمسك
قلم رصاص على مكتبى وبكتب اللى هتقروه ده واكيد مش هنفذ حرف منه فالأمر
كله مجرد تفريغ لحالة يأس عابرة خلصت ف وقتها
الساعة مبقتش تيجى
ولا حتى بتروح
ياترى الزمن وقف
ولا عقلى اللى بيروح
ياترى هكمل غنا
ولا صوتى بقى مبحوح
ولسه فيه منا
ولا قتلته الجروح
طب لسه بحب سما
ولا الكره ملا الروح
ياترى بحبك يا مصر
ولا بحلم بالسفر والنزوح
كل يوم بسأل اسئلة
ومحدش بيرد عليا
ولا لاقى اى وضوح
حبيبتى لو زعلانة
انا كلى مدبوح
حبيبتى لو تعبانة
انا كلى مرض وشروخ
هبطل اقولك حبيبتى
وشايفة القمر ياشروق
مش هقولك كلام اغانى
ولا كلام حارات وسوق
هقولك انى بعانى
وروحى مليانة شقوق
وعشان الحب اللى كان
والعشرة والحنان
هعملك اوكازيون
متستغربيش اوى كده
منا بعمل اعلان لنفسى
كل حاجة فيا للبيع
اول حاجة حلمى
افتحوا المزاد بيه
تانى حاجة عقلى
ده بتعريفة يابيه
تالت حاجة قلبى
اللى بقى اوبن بوفيه
رابع حاجة علمى
اللى كنت براهن عليه
بس للاسف ف بلدنا
العلم ارخص من الجنيه
بشوية ملاليم وقروش
هبيع كل حاجة فيا
الكلام والسكوت
العظام والجلود
بيعوا جسمى وانا عايش
بيعوا كفنى لما اموت
هبيع ذكرياتى وانا طالب
وشنطتى اللى شلتها ف السروح
هبيع صديقى واى صاحب
خانى فى وقت المجون
هبيع حياتى وواجب
اقول ان حياتنا بقت جنون
هبيع القلم اللى بكتب بيه القصيدة
ودى اخر قصيدة هتكون
ابقى بيعها لاى جورنال
او حتى لمجلة الفنون
مش عايزنى ابيع نفسى
طب ازاى؟
ده عم خليل مات
ومبقاش يسقى الورد
اللى ريحته بطلت تفوح
وعايزنى كمان اتفاءل
باللى جاى ؟
والحب لما فات
لقانا بنوسع لبعض الجروح
مبقناش نحس بعض
مش عارف دى اجسامنا
ولا زيها زى اى لوح
انا خلاص قررت ابيع نفسى
بحلمى وحبى بكرهى ويأسى
بفرحى بحزنى بضعفى وبأسى
ولو لقيت حاجة متبعتش
ابقى حطها فى السطوح
_________________
تيم الكتكوت المفترس
weka
death angel
fire wolf
نتاج حالة يأس نتجت بسبب قراءتى للدستورالاسبوعى واطلاعى على احوال بلدنا
اللى بقت ابشع من ان احنا نقول عليها مجرد احوال مؤسفة ... لقيت نفسى بمسك
قلم رصاص على مكتبى وبكتب اللى هتقروه ده واكيد مش هنفذ حرف منه فالأمر
كله مجرد تفريغ لحالة يأس عابرة خلصت ف وقتها
الساعة مبقتش تيجى
ولا حتى بتروح
ياترى الزمن وقف
ولا عقلى اللى بيروح
ياترى هكمل غنا
ولا صوتى بقى مبحوح
ولسه فيه منا
ولا قتلته الجروح
طب لسه بحب سما
ولا الكره ملا الروح
ياترى بحبك يا مصر
ولا بحلم بالسفر والنزوح
كل يوم بسأل اسئلة
ومحدش بيرد عليا
ولا لاقى اى وضوح
حبيبتى لو زعلانة
انا كلى مدبوح
حبيبتى لو تعبانة
انا كلى مرض وشروخ
هبطل اقولك حبيبتى
وشايفة القمر ياشروق
مش هقولك كلام اغانى
ولا كلام حارات وسوق
هقولك انى بعانى
وروحى مليانة شقوق
وعشان الحب اللى كان
والعشرة والحنان
هعملك اوكازيون
متستغربيش اوى كده
منا بعمل اعلان لنفسى
كل حاجة فيا للبيع
اول حاجة حلمى
افتحوا المزاد بيه
تانى حاجة عقلى
ده بتعريفة يابيه
تالت حاجة قلبى
اللى بقى اوبن بوفيه
رابع حاجة علمى
اللى كنت براهن عليه
بس للاسف ف بلدنا
العلم ارخص من الجنيه
بشوية ملاليم وقروش
هبيع كل حاجة فيا
الكلام والسكوت
العظام والجلود
بيعوا جسمى وانا عايش
بيعوا كفنى لما اموت
هبيع ذكرياتى وانا طالب
وشنطتى اللى شلتها ف السروح
هبيع صديقى واى صاحب
خانى فى وقت المجون
هبيع حياتى وواجب
اقول ان حياتنا بقت جنون
هبيع القلم اللى بكتب بيه القصيدة
ودى اخر قصيدة هتكون
ابقى بيعها لاى جورنال
او حتى لمجلة الفنون
مش عايزنى ابيع نفسى
طب ازاى؟
ده عم خليل مات
ومبقاش يسقى الورد
اللى ريحته بطلت تفوح
وعايزنى كمان اتفاءل
باللى جاى ؟
والحب لما فات
لقانا بنوسع لبعض الجروح
مبقناش نحس بعض
مش عارف دى اجسامنا
ولا زيها زى اى لوح
انا خلاص قررت ابيع نفسى
بحلمى وحبى بكرهى ويأسى
بفرحى بحزنى بضعفى وبأسى
ولو لقيت حاجة متبعتش
ابقى حطها فى السطوح
_________________
تيم الكتكوت المفترس
weka
death angel
fire wolf
