MA3AKCAFE

عزيزى الزائر.....نرجو منك الدخول وسرعة التسجيل لكى تتمتع بكل ماهو جديد وحصرى مع تحيات تيم معاك

انضم إلى المنتدى ، فالأمر سريع وسهل

MA3AKCAFE

عزيزى الزائر.....نرجو منك الدخول وسرعة التسجيل لكى تتمتع بكل ماهو جديد وحصرى مع تحيات تيم معاك

MA3AKCAFE

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
MA3AKCAFE

أجدد الأفلام الأجنبية من السينما إليك مباشرة

كل عام وكل اعضاء معاك كافى بخير رمضان كريم ...بمناسبه شهر مضان سيتم اعلان اقسام رمضانيه جديده ستكون متاحه طوال فتره الشهر الكريم ..وسيتم اعلان مشرفين جدد .. واتمنى التوفيق للجميع .... تيم معاك
من أجمل الألعاب الأونلاين لعبة SilkRoad Online (SRO) Qn20wg

+2
HETTLER
spidey
6 مشترك

    من أجمل الألعاب الأونلاين لعبة SilkRoad Online (SRO)

    spidey
    spidey
    معاك صغنطوط
    معاك صغنطوط


    ذكر عدد الرسائل : 91
    العمر : 34
    الموقع : www.silkroadonline.net
    العمل/الترفيه : games online
    المزاج : cooooooooooooooooooool
    نقاط : 11278
    تاريخ التسجيل : 10/10/2008

    من أجمل الألعاب الأونلاين لعبة SilkRoad Online (SRO) Empty من أجمل الألعاب الأونلاين لعبة SilkRoad Online (SRO)

    مُساهمة من طرف spidey الجمعة أكتوبر 10, 2008 6:55 pm

    لعبة سيلك رود من أروع الألعاب الأونلاين اللعبة مجانية (free to play)


    اللعية مأخوذة من قصة صينية قديمة وقد تحولت الى لعبة ثلاثية الأبعاد

    اليكم بعض من صور اللعبة


    من أجمل الألعاب الأونلاين لعبة SilkRoad Online (SRO) 848618481

    ودى صورق كمان

    من أجمل الألعاب الأونلاين لعبة SilkRoad Online (SRO) 506293202

    الأن مع شرح اللعبة


    للعبة عدة سيرفرات ممكن تختار الي انتا عاوزوا او اصحابك بيلعبوا فيه
    متطلبات الجهاز لتشغيل اللعبة:


    فيجا: 128 م ب Ge-Force أو Radion
    رامات: 256 م ب
    نظام اتشغيل: ويندوز أكس بي فأحدث

    و انتبه ان اللعبة تلعب Online فقط

    مميزات اللعبة

    1- عدد الناس الرهيب اللى فى اللعبة ده بالاضافة ان اللعبة بيلعبها عرب و مصريين كتيير .

    2-الجرافيك الاكثر من رائع.

    3- اسلوب القتال فى اللعبة ممتاز جدا.

    4- كثرة عدد الشخصيات و الوظائف اللى ممكن تقوم بيها فى اللعبة .


    [center]كيف تلعب اللعبة ؟



    1- الاول اللعبة دى الجرافيك بتاعها عالى جدا فهي تحتاج متطلبات عالية فى الجهاز ... فبتحتاج كارت شاشة ع الاقل 32 ميجا و رامات ع الاقل 256 ميجا و directX9c.

    2- لو المتطلبات دى عندك يبقى تنزل اللعبة من الموقع الرسمى لها.

    3- ده الموقع الرسمى. ملحوظه يجب التسجيل فى اللعبة قبل تنزيلها. [ندعوك للتسجيل في المنتدى أو التعريف بنفسك لمعاينة هذا الرابط]

    4- بعد ما تسطب اللعبة ... بيطلب منك تختار سيرفر تلعب عليه من العديد من السيرفرات ... انا عن نفسى بلعب فى سيرفرuranus

    5- بعد كده بتختار شخصية ولد او بنت ... و بتغير فى شكلها فى الطول و الحجم و الوجه و الملابس .

    6- و بكده تكون جاهز لاثبات جدارتك و تمشى فى طريق Silkroad

    أنواع الشخصيات

    1-صينية

    2- أوروبية

    وان شاء الله هاشرح الشخصيات ديه فى موضوع أخر.

    كيف تقوم ببيع الـ items ؟


    ازاى تفتح محل و تبيع و تشترى

    اول حاجة تدوس حرف A هيطلعلك حاجات كتير تختار حاجة اسمها open stall

    هيطلعلك رسالة تكتب فيها اسم المحل ( تكتب اللى انت عايز يعنى مثلا cheap او good items او حتى باتنين و نص تعالى بص)

    المهم بعد ما تكتب اسم المحل هتلاقى المحل بتاعك اتفتح , تبدا بقى تحط الحاجات اللى انت عايز تبيعها و تحط لكل حاجة السعر اللى انت عايزه ( طبعا متغليش السعر اوى عشان الناس تيجى تشترى منك )

    و بس بعد ما تحط كل حاجة هتلاقى فى حاجة فوق اسمها open stall تدوس عليها و هتلاقى الناس جت تتفرج ع المحل بتاعك

    عجبتهم بضاعتك و اسعارك هيشتروا منك

    معجبهمش هيبصوا و يمشوا.

    ما هي الـ Party ؟



    ال party هو روح كل العاب MMPORG لانه بيدى معنى للمشاركة و التعرف على اصدقاء ... و فى لعبتنا دى فى تلات انواع party او ممكن نخليهم اربع انواع ...

    أنواع


    1 exp distribution ... items distribution
    ... و النوع ده هو المنتشر لانه لا يسمح بالتشارك فى الexp و ال drops او ال loots فكل واحد بياخد ال exp و ال items اللى بيلاقيها بدون ما يشارك فيها مع حد ... الميزة الوحيدة فى البارتى دى هى ال bonus exp
    يعنى بتاخد exp زيادة شوية عن ال exp بتاعتك مقابل انك عملت party ...
    و النوع ده من ال party مينفعش يزيد عن اربع اشخاص

    2 exp auto share ... item distribution
    و النوع ده بيخلى كل الشتركين فى ال party يتقاسموا ال exp اللى بيحصلوا عليها مع بعض
    يعنى نفرض ان ال party فيها 10 اشخاص و ال 10 دول قتلوا 200 وحش ال 200 وحش دول ال exp اللى طلعت منهم تتقسم عليهم بالتساوى ... بس طبعا فيه قيود ... لازم تكون فى مسافة قريبة من ال party يعنى لو بعدت عنهم هتلاقى لونك اتغير و ده معناه انك مش هتاخد اىexp و لو صاحب ال party لقاك قاعد مبتحاربش و بتعمل زكى و بتاخد exp ببلاش ممكن يطردك
    و النوع ده ميزته انه بياخد عدد كبير من الناس بس عيبه اللى معظم الناس مبتحبوهش انه بيحسسك انك فى نظام شيوعى ... يعنى ممكن واحد يقتل وحوش كتير وواحد تانى يقتل وحش واحد و فى الاخر بيتشاركوا مع بعض ... عشان كده النوع ده بيتنفذ بين الاصحاب لما يكونوا عايزين يحاربوا وحش قوى ...

    3- exp auto share...items auto share
    و زى ما واضح من الاسم فانتوا مش بس بتتشاركوا فى ال exp ده انتوا كمان بتتشاركوا فى الدهب و ال items اللى بيقع من الوحوش .... و النوع ده نادر اوى انوا يستخدم لان مفيش حد بيرضى يشارك الدهب و ال items مع حد تانى ....

    4- exp distribution... item auto share
    و طبعا عرفتوا معناه ايه من غير ما اشرحوا

    Alchemy


    انت ممكن تخلى ال lvl بتاع ال item بتاعتك اقوى من الlvl بتاعها بالكيمياء او ال Alchemy

    اكيد كتير منكوا شاف حاجات اسمها elixers
    في

    1 elixers weapon: و ده بيستخدم مع الاسلحة

    2 elixers accessory: و ده يستخدم مع الجواهر سواء كانت عقد او خاتم او حلق

    3 elixer protector: و ده يستخدم مع كل انواع الملابس protector germant armour

    4 elixers shield: و ده بيستخدم مع الدروع

    و دول بردوا لو لقيتوهم متبعهمش لان ليهم اسعار خاصة

    و دول بيخلوا الitem +1 +2+3+4+5+6+7+8+9
    و كل ما الرقم يزيد تلاقى لو السلاح بيتغير يعنى مثلا

    +3 ........... white glow

    +4 ......... silver glow

    +5............ purple glow

    +6..........red glow

    +7 +8....... gold glow

    +9 ........... blue greenish glow

    و على فكرة ممكن تلاقوا item من دول فى ال drop برضه متبعهمش عشان بيكون ليهم سعر خاص

    نيجى بقى لطريقة عمل الحاجات دى ... تدوس A بعين تختار Alchemy و تحط ال item اللى انت عايز تخليه + و تحط معاه ال elixer اللى من نفس نوعه و عشان تزود نسبة النجاح ممكن تحط معاه lucky powder بس تكون من نفس درجة ال item يعنى لو مثلا ال item 3rd degree تحط lucky powder 3rd لو 4th يبقى 4th

    بعد كده تدوس join ....و تنتظر مصير ال item بتاعتك

    يا اما هيحصل ...

    1 ال item ال + بتاعها يزيد و تنجح المهمة بحمد الله

    2 ال enhantement fails و ممكن بدل ما ال + يزيد تلاقيه نقص يعنى مثلا لو انت كنت +4 تلاقى نفسك بدل +5 بقيت +1

    3 item broke و تفقد ال item للابد بس متخافوش دى مبتحصلش كتير

    فيه بقى حاجات بتزود نسبة نجاح ال enchantemnt هتلاقوها مكتوبة تحت كل item زى Steady ,Lucky, Immortal

    Steady - The object will not lose stats if it fails. Rather it will just remain where it was.

    Lucky - The object has a greater chance of a successful enchanting.

    Immortal - The object can not break if enchanting fails.

    و بذلك انتهيت من شرح جميع الجوانب في لعبى Silkroad Online للمبتدئين

    قبل اي سؤال .. اقرأ بعناية ... ثم اسأل كما تشاء

    و انصح اي جديد في اللعبة انه يختار شخصية و يلعب بها حتى level 4 أو 5 و عندما يشعر بأنه فهم
    الكثير من جوانب اللعبة ...ابدأ من جديد و على نظيف.

    نوادر:



    نيجى بقى لحاجة مهمة جدا جدا فى اللعبة ...
    اكيد كل اللى لعب اللعبة شاف ناس معاهم اسلحة بتنور و اسلحة حوليها نجوم و اسلحة بتطلع اشكال غريبة

    دول بقى من اغلى و اندر حاجات فى اللعبة ...

    1-
    اول حاجة منهم اسمها SoS و دى اختصار ل Seal of star
    و دى بتخلى اى item ( weapon ,shield, armor, protector,germant )
    بتخليها اقوى من ال lvl بتاعها ب 4 lvl
    يعنى مثلا تخيل ان معاك سلاح بتاع lvl 16 و هو sos فهتلعب و كان بتلعب بسلاح بتاع lvl 20

    2-
    تانى حاجة هو SoM و ده اختصار seal of moon
    و دى بيخلى اى item اقوى ب 8lvl

    3-

    تالت حاجة و دى نادرة جدا لدرجة انى مشفتهاش
    اسمها SoSun او Seal of Sun
    و دى بتخلى ال item اقوى ب 16 lvl


    فاى حد يلاقى اى واحدة من دول اوعى يتهور و يبعها لان دول بيتباعوا باسعار غالية جدا توصل للملايين
    عشان كده اللى يلاقى حاجة منهم يقولى عشان اقوله سعرها ....

    خطوة مهمة لتسريع زيادة ال Skillpoints



    عن طريق ال SP Farming

    إليكم الطريقة

    نصيحة: متعملش الموضوع ده غير قبل ما توص ل LVL 14


    الطريقة دى للى عايز يتميز فى اللعبة بس ... و مش همه الوقت ولا التعب ...


    لان الطريقة دى بتخلى ال lvl بتاعك يعلى ببطء جدا


    المهم هشرحلكوا الطريقة ....


    الطريقة بتعتمد انك متعليش ال skill mastery lvl بتاعتك


    و تخليها اقل من الlvl بتاعك الحقيقى من 3 إلى 9 lvls فرق مش اكتر من كده


    يعنى افرض مثلا ان ال mastery lvl بتاعك lvl 10 يبقى متعليهاش تانى لحد ما ال lvl بتاعك


    يوصل ل lvl 19 ... لو اتبعت الطريقة دى هتلاحظ انك بتاخد exp قليل لما تقتل الوحوش


    لكن هتاخد skill points كتير جدا ...

    ما هو الpvp باستخدام Cloths؟؟؟ أو ما هو الduels؟؟؟



    ال duels دى نظام ممتع فى اللعبة بتخلى الناس تضرب بعض و تستعرض قوتها او بمعنى اصح بتعمل power check قبل ما يدخلوا حروب

    انت اكيد بتشوفوا ناس عند بوابات المدن بيضربوا فى بعض و لابسين كوفيات بالوان مختلفة

    اهى الكوفيات دى هى اللى بتقول انك عايز تعمل duels

    و ال duel لازم تكون على الاقل lvl 10

    الكوفيات دى او اسمها cape فى اللعبة بتشريها من اى grocery تمنها 500 g

    هتلاقى الوان كتير ... احمر تبقى تبع الجيش الاحمر ازرق الجيش الازرق اسود الجيش الاسود و هكذا

    و معنى انك تبع جيش ان كل اللى لابسين نفس اللون ميقدروش يضربوك ... يعنى مثلا لو انتوا عايزين تعملوا اتنين قصاد اتنين يبقى اتنين احمر و اتنين اسود مثلا

    فيه بقى لون ليه خاصية خاصة و هو اللون الاصفر او الدهبى ده بيبقى عدو لكل الجيوش

    اوكى يا شباب فاى حد يشترى cape يلبسها و يقدر يحارب اى حد لابس cape على فكرة لو انت مت فى ال duel تدوس res in the same area هتلاقى نفسك رجعت فى مفس مكانك عادى
    من غير ما تخسر اى حاجة
    حاجة اخيرة محدش يعمل زى الناس العبيطة و يلبس cape و يمشى بيها عادى لانك هتلاقى كل شوية واحد ضربك
    مش هتخسر حاجة اه بس هتخنقك

    بالنسبة للوحوش


    و دلوقتى اكلمكم على بعض و حوش اللعبه و الوحش متقسمين حسب ال LVL و اى وحش يظهر قدامك وعايز تعرف انت تقدر عليه ولا شوف الدائرة اللي بجوار اسم الوحش

    إذا كان أزرق أو أخضر

    فإنه أقل من مستواك و يمكنك أن تقتله بسهولة

    لو رمادي:

    يبقى بمستواك تماما و يمكنك أن تقتله بس لازم تستخدم كل قدراتك

    لو برونزي:

    يبقى مستوى الوحش أعلى منك قليلا يمكنك أن تقتله بس حياخد من وقت و صحة كثيير

    لو أحمر

    مستواه أعلى منك كثييرا و لن تستطيع أن تغلبه لذا تجنبه

    فى وحوش كتير Unique monster يعنى مفيش منها غير واحد بس و هما و حشين فى اللعبه هعرفكم اول واحد و اسهل واحد
    Tiger Girl
    على فكرة هى lvl 20 بس قوتها انها عندها Hp كتير جدا و كمان بتعمل سحر بتحولك ل Zombie و لما بتبقى zombie اى potion بتاخد بينقص صحتك مش بيزدها
    تانى حاجة Tiger girl بيجى معاه جيوش من ال giants و ال champions و ال tigers فبتتلخم و ممكن تموت
    اقولك بقى مميزات قتلها ...اولا بتديك exp كتير جدا بيعدى ال 100k exp بس طبعا الناس اول ما بتشوفها بيتلموا عليها زى النمل و متعرفش جم منين .. يعنى ممكن تلاقى 30 او 50 واحد بيضربوها ... و كلوا عايز ياخد حتة من التورتة قصدى ال exp
    على فكرة انتوا لو شوفتوها اضربوها اوكى بس استنوا لما تلاقوا ناس تانية بيضربوها .. فيه واحد صاحبة لفل 20 بيقولى ضربها ضربتين خد 5k exp
    ده غير ان ال tiger girl بيوقع منها حاجات كتير اوى ... و منها SoS و دهب و scrolls بمعنى اصح كنز
    و طبعا في وحوش تانية unique .

    وبكده أكون خلصت شرح اللعبة

    أرجو الرد وأرجو من الادارة عمل قسم للألعاب الأونلاين . Very Happy
    HETTLER
    HETTLER
    TEAM MA3AK
    TEAM MA3AK


    ذكر عدد الرسائل : 3228
    العمر : 35
    الموقع : www.Ma3akCafe2.com
    اعلام الدول : من أجمل الألعاب الأونلاين لعبة SilkRoad Online (SRO) 3dflag10
    المود : من أجمل الألعاب الأونلاين لعبة SilkRoad Online (SRO) Hacker10
    نقاط : 15693
    تاريخ التسجيل : 20/04/2008

    من أجمل الألعاب الأونلاين لعبة SilkRoad Online (SRO) Empty رد: من أجمل الألعاب الأونلاين لعبة SilkRoad Online (SRO)

    مُساهمة من طرف HETTLER الإثنين أكتوبر 13, 2008 1:56 pm

    طبعا لعبه غانيه عن التعريف

    وانا متشكر جدا يا مان على التوبيك والشرح الجميل دا

    ونورت المنتدى كله

    منتظر جديدك

    يجعلو عامر

    هتلر
    death_master
    death_master
    معاك كبير
    معاك كبير


    ذكر عدد الرسائل : 314
    العمر : 34
    الموقع : com.مش معاك كافيه.www
    العمل/الترفيه : و لا حاجه
    المزاج : أشــطـه
    اعلام الدول : من أجمل الألعاب الأونلاين لعبة SilkRoad Online (SRO) 3dflag10
    المود : من أجمل الألعاب الأونلاين لعبة SilkRoad Online (SRO) 453210
    نقاط : 11508
    تاريخ التسجيل : 24/07/2008

    من أجمل الألعاب الأونلاين لعبة SilkRoad Online (SRO) Empty رد: من أجمل الألعاب الأونلاين لعبة SilkRoad Online (SRO)

    مُساهمة من طرف death_master الإثنين أكتوبر 13, 2008 6:48 pm

    اشطه يا حج ....
    دا انت مسبتش حاجه ......
    بس نسيت تقول انك زهقت منها و سبتها
    lol! lol!
    ROMIL
    ROMIL
    TEAM MA3AK
    TEAM MA3AK


    ذكر عدد الرسائل : 1103
    العمر : 36
    الموقع : http://www.ma3akcafe.com
    العمل/الترفيه : محاسب ان شاء الله
    المزاج : كل واحد فينا ليه استايله واي واحد فينا له ميزة فى اللي بيعجب واللي ما يعجب واللى ما عنده ياخد فيزا
    اعلام الدول : من أجمل الألعاب الأونلاين لعبة SilkRoad Online (SRO) 3dflag10
    المود : من أجمل الألعاب الأونلاين لعبة SilkRoad Online (SRO) 410
    نقاط : 13328
    تاريخ التسجيل : 19/04/2008

    من أجمل الألعاب الأونلاين لعبة SilkRoad Online (SRO) Empty رد: من أجمل الألعاب الأونلاين لعبة SilkRoad Online (SRO)

    مُساهمة من طرف ROMIL الإثنين أكتوبر 20, 2008 5:36 am

    طبعا من أشهر الألعاب الأون لاين ومش محتاجه تعريف

    وألف شكر ليك يا سبيدى على الشرح الجميل ده
    spidey
    spidey
    معاك صغنطوط
    معاك صغنطوط


    ذكر عدد الرسائل : 91
    العمر : 34
    الموقع : www.silkroadonline.net
    العمل/الترفيه : games online
    المزاج : cooooooooooooooooooool
    نقاط : 11278
    تاريخ التسجيل : 10/10/2008

    من أجمل الألعاب الأونلاين لعبة SilkRoad Online (SRO) Empty رد: من أجمل الألعاب الأونلاين لعبة SilkRoad Online (SRO)

    مُساهمة من طرف spidey الإثنين أكتوبر 20, 2008 11:49 pm

    ان شاء الله الجديد جاى
    hobameranor
    hobameranor
    أعضاء متميزه
    أعضاء متميزه


    ذكر عدد الرسائل : 2100
    العمر : 34
    الموقع : http://www.ma3akcafe.com
    العمل/الترفيه : HaCkEr
    المزاج : مش دارى بالدنيا
    اعلام الدول : من أجمل الألعاب الأونلاين لعبة SilkRoad Online (SRO) 3dflag10
    المود : من أجمل الألعاب الأونلاين لعبة SilkRoad Online (SRO) 3_adeb10
    نقاط : 12972
    تاريخ التسجيل : 16/07/2009

    من أجمل الألعاب الأونلاين لعبة SilkRoad Online (SRO) Empty رد: من أجمل الألعاب الأونلاين لعبة SilkRoad Online (SRO)

    مُساهمة من طرف hobameranor الإثنين يوليو 20, 2009 5:37 am

    شكلها فعلا لعبه جامدة هجربها بقا

    شكرا بقا على العبه الجميله دى
    MUSSOLINI
    MUSSOLINI
    TEAM MA3AK
    TEAM MA3AK


    ذكر عدد الرسائل : 809
    العمر : 35
    الموقع : www.MA3AKCAFE2.com
    العمل/الترفيه : طالب بكليه تجاره
    المزاج : احلى مزاج
    اعلام الدول : من أجمل الألعاب الأونلاين لعبة SilkRoad Online (SRO) 3dflag10
    المود : من أجمل الألعاب الأونلاين لعبة SilkRoad Online (SRO) Yragb11
    نقاط : 13448
    تاريخ التسجيل : 26/04/2008

    من أجمل الألعاب الأونلاين لعبة SilkRoad Online (SRO) Empty رد: من أجمل الألعاب الأونلاين لعبة SilkRoad Online (SRO)

    مُساهمة من طرف MUSSOLINI الإثنين يوليو 20, 2009 11:36 pm

    تسلم يا احمد طبعا اكييد احنا خربنها ومقفلينا ومسوئين سمعه المصريين فيها من كتر النصب ناهاهاهاهاه

    يعني طبعازي م انس قال زهقنا منهاومعدناش بنلعبها

    تسلم يا صاحبي

      مواضيع مماثلة

      -

      الوقت/التاريخ الآن هو الثلاثاء مارس 19, 2024 1:02 pm