الولاد دول حاجة صعبة..!!
*حقيقـى.. الولاد دول حاجة صعبة مش ممكن أبداً.. ح تعرفـوا ليه دلوقتـى........
*لو عاملتيه حلو يقولوك واقعة فى هوايا.
*وان معبرتيهوش يقول عليكى مغرورة ومناخيرك في السما.
*لو لبستى حلو واتشيّكتى يقول بتعمل كده عشان تلفت نظرى ليها.
*ولو انتى عمليّة شوية يقول عليكى فلاّحة.
*لو اتناقشتى معاه هيقول عليكى عنيدة.
*ولو سكتى هيقول عليكى مخك فاضى.
*لو انتى أذكى منه هيدّيكى الوش الخشب.
*ويا سلام لو هوّ اذكى منك.. هتتفرّجى.
*لو مش بتحبيبه هيحاول يتملّكك.
*ولو انتى بتحبيه وكنتى عبيطة وبيّنتى حبك ليه بسرعة هيحاول يسيبك.
*لو قلتيله على مشاكلك هيقول عليكى مزعجة.
*ولو مقولتيش هيقول انك مش بتثقى فيه.
*لو حاولتى تنصحيه هيقول عليكى عايزة تتحكمى فيه.
*ولو هو اداكى أمر (قصدى نصيحة !!!) ده لانّه بيخاف عليكى.
*لو حصل ووعدتيه بحاجة ومعملتيهاش هتبقى مش موضع ثقة.
*اما هوّ لو خلف وعده فده غصب عنه.. اضطر.
*لو انتى حليتى حلو فى الامتحانات يقولك ده حظ.
*اما هو لو حل حلو يقولك عبقرية وذكـاء.
*لو جرحتيه تبقى قاسية ومعندكيش قلب.
*اما لو جرحك فيقولك انتى حساسة اوى ومكبرة الموضوع وهوّ مايستاهلش؟؟
*لو قريتى الموضوع ده وبعتّيه لحد من الولاد هيقول مش صحيح.
*ولو قرتيه ومبعتيهوش هيقول انك انانية.
*الأحسن انك تقريه وتبعتيه لولاد وبنات برضه عشان يقولوا رأيهم معانا.
*عشان احنا طبعا ديمقراطيين واللى مش هيعجبوا هيقول بنات آخر زمن مش عاجبهم حد.
***عشان كده جبته ليكم وعايزين نسمع رأيكم***