النهاردة حلقتا يا رب تعجبكوووووووو وتنال رضاكووو
الحلقة بعنوان
العمدة ) دريمززز عااااااااااااااااااااااااوز يتجووووووز )
بطوله دريمزوهمس الحياه وأسيـــر العذاب
دريمز في دوار العمدة
همس الحياه في دور شيخ الغفر
الحلقة بتبدا في دوار العمدة
دريمز: انت يا شيخ البلد ؟؟... انت يا زفت
همس الحياه : يا فتاح يا عليم ... نعم يا سيادة العمدة عنيا ليك
دريمز : عنيك اعمل بيها ايه دي حتي حوله ما تساويش شلن مصدي في سوق العمله
انجر هاتلي الفطار يلا
همس : هو انا شغال ايه بالظبط يا سيادة العمدة شيخ بلد ولا سفرجي ؟؟؟؟
دريمز: انت بترد عليا يا صفيق !! انجر يلا
همس في سره : الله يلعن ابو اليوم اللي اتعينت فيه شيخ بلد
همس : حاضر يا عمدة
دريمز : بعد الفطار تروح تحضرلي الكارته خلينا نتفسح شويه في الاراضي بتاعتنا
همس : حاضر يا عمدة عمل وينفذ
همس جاب الفطار وجيه
همس: اتفضل يا عمدة الفطار ... وراح همس جاب كرسي وجاي يقعد مع العمدة
دريمز : انت بتعمل ايه ؟؟
اكس : انا علي لحم بطني من امبارح عاوز افطر معاك
دريمز : يخرب بيت مطنك ؟؟ انت عاووز ناس البلد تاكل وشي ويقولو العمدة فطر مع شيخ البلد ؟؟
بعد ما افطر ابق اقعد كل بعدي
همس في سرة : بالسم الهاري ان شاء الله
بعد ما فطرووو العمده ركب الكراته وهمس كالعادة بيسووق
دريمز : بقولك يا همس
همس: نعم يا سيادة العمدة
دريمز وعينه علي بنت معديه في الشارع يحي سنها 20 سنه : بنت مين دي يا همس
همس: دي بنت عبدالله أسير العذاب
دريمز : بصراحه يا واد يا همس انا عاجباني البت عاوز اتجوزها
همس: تتجوزها ازاي يا عمدة وانت متجووز اربعة
دريمز : يا عم يغورور الاربعة دوول ما يفرقوش عنك غير الشنب
4 غفرة في البيبت كتير انا عاوز اغير بقي
همس : طيب المطلوب مني ايه يا عمدة
دريمز : عاوزك تعرفي كل حاجة أسير العذاب وعن البنت دي واخلقها ايه وكل دا تجبهولي بكرة بالكتير
البت زقزقت في دماغي وعاوز اتجوزها
همس: حاضر يا سيادة العمدة
تاني يوم بالنهار همس جاي وجايب كل المعلومات لسيادة العمدة
دريمز وهو بيتغدي : تعالي تعالي يا همس انت مش غريب تعالي مد ايدك وكل
همس في سره دلوقتي تعالي اتغدي مش غريب وامبارح تقولي ما تفطرش معايا : فعلا صدق المثل الي بيقول
لو ليك عند الكلب حاجة قوليه يا سيدي : شكرا يا سيادة العمدة انا سبقتك واخاف الناس تاكل وشك
دريمز: المهم قصر في الكلام جبت المطلوب
همس: ايوة يا سيادة العمدة البنت اسمها بتعه وابوها اسمه عبدالله وساكنين جمب الساقيه المهجورة غرب البلد
وحالتهم صعبه اوي بس البنت بصراحه زي الجنيه الدهب اخلاقها عاليه وابوها كمان نفسه عزيزة عليه
طيب حضر نفسك هنيجي نخطبها النهاردة
همسس: يعني البس الحته الي علي الحبل
دريمز : هو انت اللي هتخطب ؟ دا انا .. انت تلبس عادي الجلبيه المعفنه الي بشوفك بيها علي طول
همس في سرة جاك نيله في ملفاظك علي اساس انك مايكل جاكسون ولا توم كرووز : حاضر يا عمدة
دريمز وهمس لبسو وركبوو الكارته
دريمز : بس تعرف يا واد يا همس البنت لوحتني جننتني جميلة جوووووووي وحلووو جوووووي يا بوووووووووووي
همس : للدرجادي يا عمدة
دريمز : اكتر والله يا همس ... مش بيجولو مرايه الحب عميه
همس: عميه ومكسرة كمان يا عمدة
دريمز : جال يا همس ممكن يرفضوني
همس:: مين دا الي اتجن ويرفض سيادة العمدة
الكارته وصلت
نزل يا همس الزيارة وادخل بيها عليهم
همس علي الباب : دب دب دب
عيل صغير من ورا الباب : ميين؟؟؟؟!!!
همس : انا شيخ البلد ومعايا العمدة افتح ونادينا ابووك
المهم العمدة دخلو المندرة
عبدالله : اهلا وسهلا العمدة وشيخ البلد عندنا في البيت الشاي يا بت
العمدة ما لهوش لززوم يا عبدالله خليها بعدين
عبدالله: خلاص يا بت الغي الشاي
دريمزز: بصراحه يا عبدالله يا خويا مش هخبي عليك انا طالب القرب منك
عبدالله: اكتر من كدا يا عمدة : ما فيش مكان هتيجي تقعد علي حجري يعني
همس : مش بالمعني دا يا عبدالله فتح نفوخك مع العمدة العمدة قصدة طالب القرب في بنتك بتعة
عبدالله : بنتي بتعة ؟؟ وانت شوفتها فين يا عمدة
دريمز: شوفتها من يومين وهي بتملي القله من الساقيه وبصراحه انا عاوز اتجوزها
عبدالله : بس يا عمدة اللي اعرفه انك متجووز 4 ؟
دريمز : طلقتهم امبارح كلهم
عبدالله : بصراحه يا عمدة بتعه دي بنتي الوحيدة ولازم اطمن عليها قبل ما اموت
علشان كدا هسئلك كام سؤال علشان اطمن
دريمزز : ومالوو يا خويا حقك تسئلني ميضرش
عبدالله : عندك ايه املاك يا عمدة
دريمز :عندي 3 عماير في القاهرة وعمارتين في اسكندريه و... راح قاطعه همس في الكلام
واه واه واه يا عمدة انت دايما كدا بتحب تكدب وتزيف الحقائق
دريمز في غيظ : اكدب ازاي
همس : اه بتكدب امال مين اللي عندة 500 فدان في سوهاج وعندة 1000 فدان في اسيوط وعندة 8 ابراج
عبدالله: ابراج ؟؟؟
همس : آآآآآآآآآآآآآآآه ابراج حمام زاجل
دريمز لهمس الحياه : من تواضع لله رفعة يا همس انا مش عاوز اتباهه باملاكي
عبدالله : طيب ازاي ائمن مستقبل بنتي يا عمدة ؟
دريمز : هجبلها شبكه ب10 الاف جنيه واكتببهلها مهر 100 الف جنيه و... قاطعة همس
همس : واه واه واه يا عمدة انت مقامك اكبر من كدا انت مش متفق معايا انك تجيبلها كيلوو دهب شبكه
وتكتبها مليون جنيه مهر ولا رجعت في كلامك
العمدة : لا طبعا ما رجعتش في كلامي اصل... راح عبدالله قاطعه في الكلام
عبدالله : هي بنتي ما تستاهلش كل دا يا عمدة ؟؟ بنتي زي الجنيه الدهب
دريمز : طبعا طبعا
عبدالله : طيب يا عمدة انت ممكن تتجوز عليها
دريمز : لا طبعا وعد مني مش هتجوز عليها
همس قاطعه : واه يا عمدة اخيرا هتووب عن سهر اليالي ولعب القمار ؟؟
عبدالله : انت بتلعب قمار يا عمدة
دريمز: لا والله... قاطعة همس ايوة بيلعب
عبدالله : وبتكسب ولا بتخسر
همس : بيخسر كل يووم
عبدالله : يبقي ربنا بيعاقبه
عبدالله فاضل اخر سوال
العمدة : اتفضل
ايه اخبار صحتك ؟؟؟ عندك امراض معديه ؟
العمدة : لا ابدا بس شويه كحة وشويه برد بس
قاطعة همس : واه واه يا عمدة دايما كدا انت ما بتحبش تهوول الاشياء امال مين الي عندة السكر ومين الي عندة الضغط
ومين الي عندة الكبد
وتنتهي الحلقة وعبدالله بيطرد العمدة من البيت والعمدة ماسك في زمارة همس الحياه
يا رب تكون عجبتكوو
انا عارفة انها مش اد المقام وانها حلقه مش حلوة اوي بس اهو بنحاول نكتب حاجة تسليكووو
تحيات
crazy team
*أفندينـــــــا
*ملـــــــك روحــــــــــى
*عــــــــــــــــاشقـــــة الحــــــــــب