MA3AKCAFE

عزيزى الزائر.....نرجو منك الدخول وسرعة التسجيل لكى تتمتع بكل ماهو جديد وحصرى مع تحيات تيم معاك
MA3AKCAFE

أجدد الأفلام الأجنبية من السينما إليك مباشرة

كل عام وكل اعضاء معاك كافى بخير رمضان كريم ...بمناسبه شهر مضان سيتم اعلان اقسام رمضانيه جديده ستكون متاحه طوال فتره الشهر الكريم ..وسيتم اعلان مشرفين جدد .. واتمنى التوفيق للجميع .... تيم معاك

    مسلسل ساره الجزء 2

    شاطر

    WEKA
    معاك كبير قوى
    معاك كبير قوى

    ذكر عدد الرسائل : 843
    العمر : 25
    الموقع : دكرنس -شارع مجلس المدينه
    العمل/الترفيه : ربنا يسهل
    المزاج : مهيس
    اعلام الدول :
    المود :
    نقاط : 6438
    تاريخ التسجيل : 23/07/2009

    مسلسل ساره الجزء 2

    مُساهمة من طرف WEKA في السبت فبراير 20, 2010 7:09 pm

    تاليف "منه محمد"جمعيه رساله دكرنس‏


    سارة بنت بسيطه لسه ف مرحلة التعليم الجامعى وزيها زى كل الشباب وقتها ساعات كتير بيكون فاضى ونفسها تملاه بشئ مفيد ونافع وطبعا لسه تجاربها ف الحياه مش كتير بس بتحاول على اد ماتقدر تتعلم كل يوم شئ جديد ..كمان هى بتحب القراءة جدا ومهتمه بيها ولها اصحاب كتير ودايما بيحرصو انهم يتقابلو ويخرجو سوا او يتجمعو ف الجامع لانهم بيحفظو قران كل يوم جمعه

    كمان ساره لها اخ صغير اسمه سامر هو لسه ف مرحلة التعليم الثانوى وطبعاا شقى جداا لكن بيحب اخته اوى لدرجة انهم كل يوم لازم يتشاكلو
    لغاية ما والدتهم تيجى وتنهى الحرب العالميه الثالثه اللى لازم تندلع كل يوم ف بيت عم عبد الرحمن (والد ساره وسامر)

    ببساطه هما عائله هادئه ومستقره وكل افرادها بيحبو بعض جدا وبيحرصو على الحفاظ على روح التواصل بينهم

    اكيييد بعد كل دا حسيتو ان ساره الى حد كبير عندها حاجات كتير تملى حياتها ..(اصحاب .. اهل.. عائله جميله.. ناس بيحبوها .. قراءه ودراسه....) اوومال كل دا وحاسه بفراغ ازاى..!!!؟؟؟؟؟

    هى فى الحقيقه حاسه بفراغ مش قادره توصل لسببه رغم ان تقريبا عندها كل شئ يظهرها بحياة ممتعه .. لكن فيه لسه شعور ناقصها مش عارفه هو ايه ..حاسه ان فيه حاجه مهمه غير انها تكون مبسوطه وف احسن حال ...ياترى هو ايه....!!!؟؟؟

    دا الى هتتعلمه ساره مع رســــالة ... متعة العطاء والاحساس بالغير

    الحلقه الاولى

    الأم: سااااره بقالك اكتر من 10 ساعات نايمه يابنتى كل دا نوم من اول الاجازة وانتى مقضياها نوم ..كفايه كده ورانا حاجات كتييييير غير النوم

    ساره: صباااح الخير ياست الكل... طبعا ورانا البيت والمطبخ ومساعدة حضرتك ف كل حااااجه
    اه طبعا طبعا .. بس سبينى انام كمان شويه

    الأم: اااه اللى يسمعك يقول كل يوم تعبانه ف البيت ياعينى
    قومى يابنت بدل ما تتأخرى ع المسلسل هيبدأ اهووووووو

    فجأه الأم لقت ساره زى اسرع صاروخ جوى منطلق ..قعدت قدام التليفزيون وماسكه الريموت وبتدور على القناه ... ومالقتش المسلسل وقالت لمامتها بغيييييظ

    بقى كده..؟؟ ماااااشى يا ام ساره مش عارفه ان الى بيكدب بيرووووح...

    الأم: بيرووح قدامى حالا ع المطبخ الساعه بقت واحده الظهر ولازم نعمل الغدا قبل ما ابوكى واخوكى يوصلو

    ساره: اااه وهو الدكتووور سامر فين بقى ان شاء الله؟

    الأم: عنده دروس ياحبيبى من الصبح ولسه ماجاش

    ساره: يا ام سامر دا هتلاقيه لسه ف اعدادى وضاحك علينا انه وصل لثانوى .. اسمعى منى دا انا خبيره ف النوعيه دى

    الام: هتقوليلى.. طب يلا بخبرتك الرهيبه روحى على غرفته يللا نظيفها اهو يمكن تلاقى كتاب النصوص بتاع ابتدائى ومايكونش حصل حتى اعدادى..يللااااااا

    وبعد فتره مش طويله راحت ساره لوالدتها وقالت: كله تحت السيطره ياست الحبايب تم محاصرة البيت واحاطته بسور النظافه الفتاكه ...ممكن بقى افراااج واروح اتفرج ع التليفزيون؟؟

    الام: على اساس انك مستنيانى اوافق ..ايه الاحترام دا كله؟؟

    وفجأه دخل عليهم سامر وخوفهم بحركاته كعادته

    ساره: ايه ياابنى انت مش هترتاح غير لما تجبلى صدمه قلبيه؟؟

    سامر وهو رافع ايده للسما قال: ربنا قااااادر ع المعجزات

    ساره ضربت اخوها على كتفه وقالت: المعجزه الحقيقيه لما تنجح ف الاعداديه يا شاااطر

    سامر باستغراب: هو انا اترقيت من ثانوى لاعدادى ... احمدك ياااارب

    الام: بس خلاص انتو ما بتبطلوش كلام يلا جهزو السفره للغدا والدكم زمانو على وصول

    وعلى العصر كده ساره بدأت رحلتها قدام التليفزيون وهى بتتفرج حست بحد وراها وطبعاااا توقعت ان سامر هيعمل فيها حركه من حركاته

    لكن سمعت صوت بيقول... حبيبة بابا بتعمل ايه؟؟

    ساره: بابا!! كويس ربنا بيحبك كوبايه المايه دى كانت هتبقى من نصيبك .. اصلى كنت فكراك سامر

    الاب بتعجب: وكوباية المايه مالها ومال سامر بس

    ساره: اووومااال امسى عليه ازاى غير بكده ..شوية مايه على راسه يعرف اد ايه انا بحبه

    الاب وهو بيضحك: ربنا يهديكو يا اولادى

    ساره: ياااااارب انت خارج يا باب؟؟

    الاب: اه ان شاء الله عايزه حاجه يا حبيبتى؟

    ساره: ربنا يخليك ليه خد بالك من نفسك

    وخرخ عم عبد الرحمن وراه على طووول جرس الباب رن

    الام: ساره افتحى الباب دا باباكى اكييد نسى حاجه

    ساره: بابا معاه مفتاح ياماما..اكيييد مش هو بس تفتكرى مييين؟؟؟

    الام: اااه اعملى بقى تحريات كرومبو وسيبى الناس واقفه ع الباب

    ساره وهى بتفتح الباب لقت صديقتها ياسمين

    ياسمين: السلاااام عليكم كل دا عشان تفتحولى؟؟؟

    الام: مين ياساره؟

    ساره: دا حمبووزو يا ماما مانا كرومبو بقى

    ياسمين: مساااء الخيير يا رييس

    ساره وهى بتضحك: تعالى تعالى اتفضلى منورانا والله

    ياسمين: اكيييد دا العادى بتاعى .. وبعدين تعالى هنا انتى فينك من زمان يابنتى مختفيه ليه؟؟

    ساره: لا والله مش اختفاء بس ماكنتش فاضيه خالص انتى عارفه حياتى ملااااااااانه

    ياسمين: انتى هتقوليلى مانا عارفه

    ساره: انتى الى فينك طلبتك كذا مره ف البيت ومامتك قالتلى انك ف ...مش عارفه الجمعيه باين!!؟؟
    دى الجمعيه الاستهلاكيه ولا ايه؟؟ انتى بقيتى تقفى ف طابور الجمعيه؟؟

    ياسمين: ااااه ماهو امثالك الجهله لازم يقولو كده

    ساره: امثالى؟؟ وجهله؟؟ انا من الصبح وبقول كوباية المايه دى هتكون من نصيب حد

    ياسمين: بجد بقى.. دى جمعية رسالة الى قلتلك عليها قبل كده مش فاكره؟

    ساره وهى على وشها علامات استفهام: فكرينى

    ياسمين: رسالة دى جمعيه خيرية لمساعدة الاسر المحتاجه بتقدم انشطه كتييير جداا لمساعدة الاسر دى
    عندنا مشروع الكيلو .اللجنة الطبيه..حملات التبرع بالدم..المساعدات.. فرز ملابس.. زيارات خارجية... مركز ذوى احتياجات ومكفوفين ...وحاجات تانيه كتيييير

    ايه رايك ياساره تيجى معايا مره وتشوفى النظام عامل ازاى واهو بردو اقولك تفاصيل اكتر عن نشاط الجمعيه

    ساره وهى بتفكر: مش عارفه يا ياسمين هشوف كده ولازم اسال بابا وماما الاول

    ياسمين: مافيش مشكله فكرى وردى عليه وبجد مش هتندمى ابدااا


    ياترى ساره هتروح رسالة ولا لأ......!!!!؟؟؟؟؟



    لو عايزين تعرفوا
    تابعونا فى الحلقات الجاية



    [ندعوك للتسجيل في المنتدى أو التعريف بنفسك لمعاينة هذا الرابط]

    HETTLER
    TEAM MA3AK
    TEAM MA3AK

    ذكر عدد الرسائل : 3228
    العمر : 28
    الموقع : www.Ma3akCafe2.com
    اعلام الدول :
    المود :
    نقاط : 10379
    تاريخ التسجيل : 20/04/2008

    رد: مسلسل ساره الجزء 2

    مُساهمة من طرف HETTLER في السبت فبراير 20, 2010 11:17 pm

    تسلم ايدك يا ويكا استمر فى الحلقات انا متابع




    اميره الاحساس
    أعضاء متميزه
    أعضاء متميزه

    انثى عدد الرسائل : 2066
    العمر : 25
    الموقع : احلى حياه ويارب تدوم مع احلى حبيب
    العمل/الترفيه : داخل القلب واغصان الحياه واطلب من الله ان لا تنكسر هذه الاغصان
    المزاج : فى العادى مبحاولش اقفلها
    اعلام الدول :
    المود :
    نقاط : 8278
    تاريخ التسجيل : 24/07/2008

    رد: مسلسل ساره الجزء 2

    مُساهمة من طرف اميره الاحساس في الأحد فبراير 21, 2010 1:23 pm

    ايوه كدا هو دا الشغل الصح
    تسلم يا ويكااااا
    وانا متابعه



    احببتك بكل ما فى
    عقلى اصبح يفكر فيك دائما قلبى متعلق بك بلهفه
    عينى تتمنى رؤيتك جسدى يتمنى لمسك
    احبك بل اعشقك
    واطلبها منك مره والاف المرات
    سامحنى انك حبيبى ولست كذلك وفقط
    احبك يا مالك روحى
    لا تنسى اننا دائما معا واحد
    بحبـــــــــــك

    WEKA
    معاك كبير قوى
    معاك كبير قوى

    ذكر عدد الرسائل : 843
    العمر : 25
    الموقع : دكرنس -شارع مجلس المدينه
    العمل/الترفيه : ربنا يسهل
    المزاج : مهيس
    اعلام الدول :
    المود :
    نقاط : 6438
    تاريخ التسجيل : 23/07/2009

    رد: مسلسل ساره الجزء 2

    مُساهمة من طرف WEKA في الأحد فبراير 21, 2010 1:56 pm

    الحلقه التانيه



    فضلت ساره تفكر كتير ف كلام صديقتها وفكرة تطوعها ف رسالة ..كانت حاسه انها خطوه جديده وهى نفسها تعمل خير وتساعد الناس بس....
    قررت تقول لباباها ومامتها

    وف اخر اليوم كانت ساره قاعده مع والدتها ووالدها بيتفرجو ع التليفزيون وبيتكلمو ف كل الى حصل ف يومهم


    ساره: بابا ..ماما.. سمعتو عن جمعيه اسمها رسالة؟؟؟

    الام: اه لسه جارتنا فاطمه بتقولى عليها انهارده بتبرع ليهم بسكر ورز وحاجات من دى وكانت بتسالنى لو عندى حاجه اتبرع بيها انا كمان

    ساره اندهشت ان جارتهم عارفه عن الجمعيه معنى كده انها مشهوره اوومال هى لسه اول مره تسمع عنها ليه؟؟

    الاب: سكر؟؟ بيعملو بيه ايه دا!!؟؟ انا بردو شايف البوستر بتاعهم متعلق ف صيدلية الدكتور حمدى صديقى

    ساره: وايه رايكم فيها يعنى؟؟

    الاب: ايه ياساره انتى ناويه تعملى موضوع صحفى عنهم ولا ايه؟؟

    ساره: لا يابابا اصل ياسمين متطوعه فيها وكانت عايزانى معاها

    الاب: ياسمين دى ماشاء الله عليها دايما فيها خير ..بس متطوعه؟؟ بتعملو ايه يعنى؟؟

    ساره: تبرع بردو بس مش لبس او اكل .. نتبرع بوقتنا وفكرنا ونشاطنا ف مساعدة الناس يعنى احنا الى بنشغل كل حاجه هناك

    بان على وش ام ساره تردد وقالت: لا ياساره احنا هنتبرع ليهم بكل حاجه بس بلاش تروحى

    ساره : ليه بس ياماما؟؟

    الام: اخاف عليكى تروحى هناك وبعدين هتلاقى ناس من كل نوع والله اعلم بتفكير الناس وتربيتهم وعادتهم ممكن يكونو غيرنا يعنى مش ضامنينهم

    الاب: يا ام ساره ليه كده بس ماتخوفيش البنت وبعدين هى كلها شويه وتتخرج من الكليه وتشتغل وبردو هتقابل الناس من كل نوع وهتتعلم كل حاجه ولا انتى ناويه تقعديها جنبك؟

    الام بصت للتليفزيون وبان عليها انها مش مقتنعه

    الاب: ساره لازم تتعلم وتستفيد من كل تجاربها وانا شايف انها هتبقى فكره كويسه حكاية التطوع دى اهو البنت تعمل خير وتاخد ثواب وتتعلم ازاى تساعد الناس وبردو هتقابل ناس كتير وهتنمى شخصيتها وفكرها واكيد هتستفيد كتير

    ولا انتى مش واثقه ف تربيتك لبنتك وف شخصيتها؟؟


    الام من غير تردد: هو فيه زى ساره عبد الرحمن ف البلد كلها.. ربنا يخليها ليه دى بنتى احسن بنت ف الدنيا


    ساره: بركاااااااااتك يارسالة
    ايه ياست الكل الكلام الحلو دا ..لالا اخد على كده بعدين.. ومش هتعرفى تكلمينى بعد كده

    الام: بس بردو هما يوم ولا اتنين ف الاسبوع او اقل كمان انتى مش فاضيه بردو

    ساره: افهم من كده انكم ما عندكوش مانع؟؟؟

    الاب: لا يابنتى ربنا يقدرك على عمل الخير احنا محتاجين الشباب يعملو الحاجات دى دلوقت بدل ما يطلعو طاقتهم ف حاجات تانيه مش مفيده وف الاخر نبكى ع الحال الى وصلناله

    ان شاء الله تطوعكم دا هيخلى البلد دى احسن بكتير

    وقام عم عبد الرحمن ووالدة ساره وقالولها تصبحى على خير

    ساره طفت الانوار وهى داخله لغرفتها لاحظت ان غرفة اخوها سامر طالع منها نور
    وعرفت انه لسه سهران بيذاكر
    بصت للسما ودعت ربنا يوفقه ويبارك فيه ويدخله الكليه الى نفسه فيها .. وحبت تشارك اخوها فكرة تطوعها ف رساله
    وابتسمت وقالتك ومافيش مانع من شوية غلاسه على سامر قبل ما ينام


    دخلت على سامر فجأه وخوفته لانه كان قاعد ف جو هادى جدا ومركز ف المذاكره والكتاب اللى قدامه

    اترعب سامر وقال: سااااااااااره حرام عليكى كنت هموت

    ساره بابتسامة نصر: من بعض ما عندكم
    وبعدين ماتنام بقى يا سااموراى الكل نامو بلاش تمثل علينا انك بتذاكر تلاقيك كنت نايم دلوقت

    سامر: تصدقى صح.. اتارى التمثيل دا صعب اوى

    ساره : طب ايه رايك تسيبك من المذاكره وتيجى معايا بكره؟؟

    سامر: اي قررتى وعزمتى خلاص هتروحى العباسيه .. على بركة الله

    ساره: هاهاها لا يا ظريف راحه رسالة

    سامر: ساره اختى راحه رساله مش عادتك يعنى؟؟

    ساره: انت عارفها؟؟.. دا على كده انا الوحيده هنا اللى ما اعرفهاش

    سامر: يابنتى انا كل الاخبار عندى انا وكالة انباء متنقله

    ساره: طب يا استاذ سى ان ان ايه رايك ف الموضوع؟؟

    سامر: والله بيقولو عليها كويسه بس اهم حاجه عايزك تاخدى بالك من حاجه

    ساره : ايه خير؟؟

    سامر: يعنى هى فيها ولاد وبنات خدى بالك من موضوع الاختلاط دا

    ساره: ماتخافش انت مش عارف اختك ولا ايه؟؟

    سامر: لا ازاااى اوومال شعرى الى شاب دا من ايه؟؟ من كتر مانا عارفك

    ساره وهى بتضحك: لا دا من كتر تمثيلك من اول السنه ..ف مسلسل انا والمذاكره

    سامر: تصدقى وقتك خلص معايا ..يللا الاستراحه خلصت عايز اذاكر

    ساره: اووك تصبح على خير .. عايز حاجه منى ؟؟

    سامر: شكرا وانتى من اهله



    راحت ساره لغرفتها وهى بتفكر ف بكره لما هتروح الجمعيه ياترى بيعملو ايه هناك والناس هيستقبلوها ازاى ومعقول لو راحت هتلاقى ناس متطوعه بجد وبيشتغلو كده من غير مقااااااااابل..!!!!!؟؟؟؟؟

    كل دى اسئلة كانت ف ذهن ساره وقالت: ان غدا لناظره قريب



    [ندعوك للتسجيل في المنتدى أو التعريف بنفسك لمعاينة هذا الرابط]

    ملك روحى
    مشرف معاك حواء والأسرة
    مشرف معاك حواء والأسرة

    انثى عدد الرسائل : 2083
    العمر : 23
    الموقع : www.ma3akcafe2.com
    المزاج : فى السحاااااااااب
    اعلام الدول :
    المود :
    نقاط : 7884
    تاريخ التسجيل : 12/11/2008

    رد: مسلسل ساره الجزء 2

    مُساهمة من طرف ملك روحى في الأحد فبراير 21, 2010 3:20 pm

    جميله اوى بجد تسلم ايديك متابعين



    [b]انا طبعى كدا وبحب كدا وبحب اعيش ومعنديش الا كدا دا حياتى انا دى ملكى انا وانا مهما اكون برده هكون زى ما انا
    عايشة سنى وبغنى وبحب الحياه قلبى عايش سنينه وحياته بهواه بعمل اللى بحبه وبحسه اكيد ثانية ثانية يادنيا هعيشك


    WEKA
    معاك كبير قوى
    معاك كبير قوى

    ذكر عدد الرسائل : 843
    العمر : 25
    الموقع : دكرنس -شارع مجلس المدينه
    العمل/الترفيه : ربنا يسهل
    المزاج : مهيس
    اعلام الدول :
    المود :
    نقاط : 6438
    تاريخ التسجيل : 23/07/2009

    رد: مسلسل ساره الجزء 2

    مُساهمة من طرف WEKA في الأحد فبراير 21, 2010 7:12 pm

    يالا عايز الى متابع يعرف الى مش متابع علشان محدش يفوته حلقه



    [ندعوك للتسجيل في المنتدى أو التعريف بنفسك لمعاينة هذا الرابط]

    mr.vazeh
    معاك كبير
    معاك كبير

    ذكر عدد الرسائل : 497
    العمر : 27
    العمل/الترفيه : معيد في جامعه دكرنس كليه الفازيه
    المزاج : دايما عالي
    اعلام الدول :
    المود :
    نقاط : 6264
    تاريخ التسجيل : 03/01/2009

    رد: مسلسل ساره الجزء 2

    مُساهمة من طرف mr.vazeh في الإثنين فبراير 22, 2010 4:00 am

    تسلم يا بوب متابعين

    WEKA
    معاك كبير قوى
    معاك كبير قوى

    ذكر عدد الرسائل : 843
    العمر : 25
    الموقع : دكرنس -شارع مجلس المدينه
    العمل/الترفيه : ربنا يسهل
    المزاج : مهيس
    اعلام الدول :
    المود :
    نقاط : 6438
    تاريخ التسجيل : 23/07/2009

    رد: مسلسل ساره الجزء 2

    مُساهمة من طرف WEKA في الثلاثاء فبراير 23, 2010 2:13 pm

    الحلقة الثالثه

    ترررن ترررن....
    الام: السلام عليكم

    ياسمين: وعليكم السلام .. ازيك ياطنط صباح الخير

    الام: صباح النور يا ياسمين ازيك ياحبيبتى ... ايه النشاط دا كله

    ياسمين: بتعلم من ساره بقى..اللى طبعا مش هسأل عليها لانها اكيد نايمه

    الام: والله يابنتى بقالى ساعة بصحى فيها .. وفكرتها بالمعاد بتاعكو وشكلها كده....

    ياسمين: شكلها ايه بس؟؟ هى ناويه تعملها فيه ومش تيجى ولا ايه!؟؟

    الام: اقولك على حاجه.. تعالى وحطيها قدام الامر الواقع

    ياسمين: عندك حق ياطنط والله هى كده مابتجيش غير بالعين االحمرا
    طيب ف امان الله مسافة الطريق واكون عندكم

    الام: مع السلامه ياحبيبتى منتظرينك

    سامر: صباح الخير ياماما فيه فطااار ولا لسه؟؟

    الام: صباح الخير ياحبيبى ثوانى ويكون جاهز

    سامر: لالا نفسى مره بنتك تعملى هى الفطااار.... وبصوت عااالى قاال: سااااااااااااااااره

    ساره: اعوذ بالله الناس بتصحى على تغريد العصافير ...صوت البلال...مش صوووت....

    سامر: صوت ايه؟؟؟ماتكملىىى انا عارف انك خايفه منى ماتقدريش تغلطى فيه اصلا

    وعلى طووووووول سامر لقى المخده مرميه ف وشه من ساره من غير سابق انذار

    ساره: امشى بره يللا مش فاضيه انا لشغل العيال دا


    سامر: يابنتى ايه الكسل اللى فيكى دا؟؟ حراااام عليكى كله نوووم نوووم

    ساره: ماااااااااماااا تعالى شيلى ابنك دا من هنا او ابقى استخدمى بودره او اى حاجه اصل الاشكال دى ما بتمشيش بالساهل

    سامر: بودره؟؟ تصدقى خساره فيكى الخبر اللى كنت ناوى اقولهولك .. كان هيفرحك جداااا

    ساره: انت ما بيجيش من وراك اخبار حلوه اصلااا

    سامر: لالا بجد بجد خبر طازه المرادى

    ساره بلهفه: هصدقك المرادى ..ايه بقى؟؟؟

    سامر وهو بيشاور لها عشان تقرب ودنها على اساس انه مش عاوز مامته تسمع

    طبعا ساره حست ان الموضوع شكله مهم بجد

    وفجأه سامر قالها: تووووووووووووت
    واختفى من قداامها فوراااااا

    ساره: والله العظييييييييييم انت عيل رخخخخخخم بس لما اقوملك

    الام: ايه ياسامر اختك صوتها عالى ليه؟؟

    سامر: تقولى ايه بقى يا امى ... ملوو البلد


    الام: ساره يا حبيبتى قومى بقى عشان ياسمين جايالك دلوقت علشان معادكم للجمعيه

    ساره: دلوقت؟؟؟؟؟ ليه الساعه لسه 12 الظهر هنروح نبيع لبن ولا ايه؟؟

    الام: لبن؟؟ لا دا كان بيتباع زمااان دلوقت بيبيعو كسسسل

    ساره: بجد يا ماما مش هينفع هى قالتلى بدرى بس ما تخيلتش ان البدرى بتاعها بدرى اوىىىىى كده

    سامر: ساااااااااااره ...ياسمين جت

    دخت ساره على ياسمين لقتها قاعده مع سامر ومامتها وبيضحكو جااامد اوىىى

    ساره: ربنا يفرحكو كمان وكمان.. بس ما تضحكونى معاكم

    ياسمين: ازيك يا جميل ... ماهو للاسف ماينفعش تضحكى معانا.... فيه حد يضحك على نفسه

    ساره: بقى كده!!؟؟ طب ايه رايك بقى مش جايه معاكى انهارده

    ياسمين: ايه دا بقى !! مش اتفقنا خلاص

    ساره: صراحه يا جاسى بابا مشجع الفكره وماما اقتنعت شويه بس انت عارفانى مش باخد خطوات سريعه

    ياسمين: ليه بس مكبره الموضوع ومحسسانى اننا رايحين نقدم ف الجيييش
    ع فكره هى مره واحده بس هتروحى ومش هتبطلى تروحى بعد كده هتحبى المكان لوحدك

    ساره: طب ليه بدرى كده .. خليها بعد العصر

    ياسمين: افضل تبدأى اليوم بنشاط اهو كمان لو وراكى حاجه او مشوار بالليل تكونى فاضيه .... يللا بقى بلاش كسسسسل

    ساره: تعرفى اننا اصحاب من اكتر من عشر سنين واول مره اعرف انك زناااااااااااانه

    ياسمين: الحمد لله.. اديكى اكتشفتى حاجه جديده فيه اهوو .. بردو عشان الملل انا دايما شخصيتى فيها تجديد

    ساره: طب يا مجدده... نفطر سوا الاول وربنا يسهل

    وهما بيفطرو سوااا

    الام: طبعا يا ياسمين مستغربه ان فيه حد بيفطر الساعه 12

    ياسمين: لا ابدااااا ياطنط عائلة ساره لازم يتميزو ويختلفو عن الاخرين
    ربنا يكون ف عونكم بتستحملو كتير والله

    وعلى طول ساره بصت لسامر لقته حاطط ايده على بوقه وعمااال بيضحك

    الام: اصل لازم استناها لما تصحى ونفطر سوا كمان سامر بيسهر يذاكر ودا معاد صحيانو

    سامر: انتو نازلين انهارده خلاص يا اختى العزيييزه

    ساره ولا كأنها سمعت حاجه وقالت لمامتها: اسمعى كلامى يا امى وهاتى حاجه نشيل بيها الاصوات اللى الواحد بيسمعها دى

    سامر: اااه ياماما ابقى هاتيلها هاند فرى تحطو ف ودانها وهى مش هتسمع حاجه... ولا اقولك شوية قطن يفو بالغرض

    ساره: القطن دا هحطو ف بوقك عشان ماتتكلمش بعد انهارده

    ياسمين ضحكت وقالت: ربنا يكون ف عونك ياطنط عليهم

    الام وهى بتتنهد: المشكله انى لما ازعق لحد فيهم عشان زعل التانى يدافعو عن بعض واطلع انا الوحشه والغلطانه ف الاخر... فبقيت بسيبهم ولا كأنى شايفاهم

    ساره: انا ادافع عن دا!!؟؟؟ يللا يا ياسمين قومى احسن الحاجات دى معديه وانا خايفه عليكى

    ياسمين: هو يللا فعلا بس يلاا ننزل

    ساره: بجد بقى خليها يوم تانى انا قفلت انهارده خلااااص

    ياسمين فكرت شويه وقالت: انا عارفاكى لما بتقفلى طب خلاص سيبك من الجمعيه خاااالص... فيه حاجه انهارده بعد المغرب ف الشارع... اخرجى بقى عشان نتقابل على اول الشارع اهو ياستى افتحك بعد ما قفلتى

    ساره: مادام بالليل يبقى تماااام .. ان شاء الله

    ياسمين: خلاص على معادنا

    ودعت ساره صديقتها وهى بتقول ف بالها : ياترى ياسمين صرفت نظر عن موضوع الجمعيه بسرعه ليه كده ...غريبه انا عارفاها مش بتسلم بالساهل
    وبعدين انتى مش عايزه تروحى الجمعيه ليه ياساره؟؟؟؟ فيه حاجه قلقاكى ولا هو الكسل بس ولا ايه؟؟؟؟؟؟

    ودخلت لمامتها تساعدها

    ياترى الفكره اللى مسيطره على ساره دى سببها ايه؟؟؟
    وهل ياسمين سلمت بسرعه ومش هتقنع ساره بالجمعيه تانى!!؟؟؟ولا هى فاهمه صديقتها كويس وهتعرف الطريقه اللى تقنعها بيها!!؟؟؟
    طب فيه ايه بالليل انهارده ياسمين متحمسالو اوىىى كده!!!؟؟؟

    تابعونا



    [ندعوك للتسجيل في المنتدى أو التعريف بنفسك لمعاينة هذا الرابط]

    ELkopTaaN
    TEAM MA3AK
    TEAM MA3AK

    ذكر عدد الرسائل : 769
    العمر : 28
    المزاج : We are the nobodies .. Wanna be somebodies..We're dead, we know just who we are
    اعلام الدول :
    المود :
    نقاط : 8248
    تاريخ التسجيل : 20/04/2008

    رد: مسلسل ساره الجزء 2

    مُساهمة من طرف ELkopTaaN في الخميس فبراير 25, 2010 5:26 pm

    الله عليك يا ويكا جامدة يا بنى

    اشكر لنا منة

    بس يا ريت تحط كل حلقة فى موضوع ميبقاش كله فى موضوع واحد عشان الناس تعرف تدخل





    We can't find love
    LOVE find us
    ELkopTaaN



    اميره الاحساس
    أعضاء متميزه
    أعضاء متميزه

    انثى عدد الرسائل : 2066
    العمر : 25
    الموقع : احلى حياه ويارب تدوم مع احلى حبيب
    العمل/الترفيه : داخل القلب واغصان الحياه واطلب من الله ان لا تنكسر هذه الاغصان
    المزاج : فى العادى مبحاولش اقفلها
    اعلام الدول :
    المود :
    نقاط : 8278
    تاريخ التسجيل : 24/07/2008

    رد: مسلسل ساره الجزء 2

    مُساهمة من طرف اميره الاحساس في السبت فبراير 27, 2010 12:09 am

    تصدق يا قبطان خدها من ع طرف لسانى
    كنت لسه ههقلك حط كل حلقه فىتوبيك
    لانى معرفش انك نزلت بقتها الا امالقيت الرابعه لوحدها
    تسلم اي وويكاااا



    احببتك بكل ما فى
    عقلى اصبح يفكر فيك دائما قلبى متعلق بك بلهفه
    عينى تتمنى رؤيتك جسدى يتمنى لمسك
    احبك بل اعشقك
    واطلبها منك مره والاف المرات
    سامحنى انك حبيبى ولست كذلك وفقط
    احبك يا مالك روحى
    لا تنسى اننا دائما معا واحد
    بحبـــــــــــك

      الوقت/التاريخ الآن هو الجمعة ديسمبر 09, 2016 5:28 pm