من طرف الحلقة الرابعه
ف مكان تانى غير بيت عم عبد الرحمن
سامر: مساء الخير يابرنس ..فينك اتاخرت ع الدرس ليه كده
عمر: مساء الفل..مافيش كنت بعمل مشوار كده
سامر: مشوار كده؟؟..انتى بتخبى على صاحبك ولا ايه النظام اعترف كنت فين؟؟ ولا هو سررر!!؟؟
عمر: لا والله مش سر ولا حاجه كنت بوصل شنطه شهريه من جمعيه رساله لناس جنب بيتنا قبل ماجى الدرس
سامر: يااادى رساله اللى ف كل مكان دى ...بس ماشاء الله عليك من امتى وانت خيير كده ..لالا هتخلينى اغير فكرتى عنك
عمر: مش كده بردو .. انا عرفتهم بالصدفه كنت ماشى مره جنب البيت وواحد عدى عليه وسألنى على بيت جيرانا فوديته البيت واحنا ماشيين اتعرفنا على بعض وفهمت منه انه متطوع ف رساله وكلمنى عنها كتييير فحبيت الفكره اوىى واتطوعت معاهم
وع فكره بعد الدرس عندى مشوار تانى كمان
سامر: يامشاويرك... فين بقى المرادى؟؟
عمر: هروح اجيب هدوم من عنوان جنب الدرس
سامروهو بيضحك: هتشترى هدوم يعنى من محل ولا ايه؟؟..شكلك ياعينى مزنوق ف تشيرت ولا حاجه..قولى يا بنى الصحاب لبعضيها
عمر بص لسامر نظرة غييظ وقال: طوووووووول عمرك مغرقنى بجمايلك يا زووووق انا غلطان انى بتكلم معاك
سامر: لالا خلاص مش هديك التشيرت لو هيزعلك بس قولى بجد رايح تجيب منين؟؟
عمر: فيه عندنا ف الجمعيه حاجه اسمها فرز مابس ومعارض ملابس وكل الهدووم دى بتيجى تبرعات .. يعنى الناس بتتبرع بالهدوم القديمه او الى صغرت عليهم وما عدوش محتاجينها
احنا بقى بنقبل التبرعات دى وبنعيد فرزها وبنظبطها وبنعمل بيها معارض ملابس القطعه بتتباع بسعر رمزىىىىى جدااا او بنعمل يوم كساء او بنوزع ملابس على الاسر المحتاجه وحاجات من دى
سامر: ماشاء الله .. حاجه جميله اوىى بجد ...ااااه فهمت .. وانت بقى رايح تجيب ملابس من ناس متبرعه بيها
عمر: الله اكبر اول مره اعرف انك نبيه كده
سامر وهو بيشد عمر عشان يدخلو الدرس: ايوه نبيه دا اسم الدلع بتاعى يللا يا استاذ الدرس هيفوتنا وانت بقيت رغااااى اوىىى ومش بتبطل كلام اتفضل قدامى
وبعد ساعه تقريبا
سامر: عمر ايه رايك حابب اجرب واجى معاك
عمر: جميييل طب يللا بينااا ..دا العنوان ورا الدرس هنا على طووول
وف نفس الوقت ف بيت عم عبد الرحمن
الام: ساره ياحبيبتى جهزتى ؟؟
ساره": اه ياماما...نازله حالا اهو عايزه حاجه من بره؟؟
الام: لا ياحبيبتى سلامتك خدى بالك من نفسك
الاب: يللا ياساره اوصلك ف طريقى
ساره: ياسلاااام انا همشى مع الاستاذ عبد الرحمن الوسييييم..لالا هيحسدونى علييك
الاب: يابنت بطلى بكش
ونزلت ساره مع والدها ولما وصلو للمكان اللى هتقابل ياسمين فيه ما لقتهاااش
لكن لقت خيمه وعليها نوور وواقف فيها بنات وفيه بضاعه كتييير على طرابيزه قدامهم وحواليهم شباب كتيير بيكلمو الناس اللى معديه ف الشارع تقريباا كده بيعرفوهم على حاجه
الاب: ايه ياساره مش ياسمين هتستناكى هنا؟؟
وفجأه لقو حد من وراهم بيقوووول
ممكن ناخد من وقتكم ثوانى لو سمحتوو احنا جمعية رسالة للاعمال الخيريه
ساره باندهاش: ياااااااااسميين بسم الله الرحمن الرحيم طلعتى منيين ؟؟
ياسمين: اولا ازيك ياعموو معلش طلعتلكو فجاه من المصباااح السحرىى
الاب: طيب قوليلها بقى شبيك لبيك وانا ماشى... خدو بالكم من نفسكم يا بنات
ساره: ممكن بقى تفهمينى ايه الحكايه وبتعملى ايه هنا؟؟
ياسمين:يافندم دا معرض دعايه لجمعية رساله
ساره: معرض دعايا!!؟؟؟
ياسمين: معرض دعايا يعنى خيمه كده زى مانتى شايفه بنعرض فيها منتجات لرساله(مجات ..مناديل..اقلام..ماديليات وحاجات تانيه كتييييير
والفكره اننا بنعمل دعايا للجمعيه وبنعرف الناس علينا وعلى نشاطاتنا
ساره: يعنى انتى واقفه ف المعرض دا دلوقت؟؟ وكنتى بتضحكى عليه وعامله اانا خارجين عشان تجبينى هنا
ياسمين:اصل انا عارفه صحبتى كويس مش بتقتنع بحاجه غير لما تشوفها ع الواقع
فقلت اوريكى حاجه بسيطه من اللى احنا بنعمله ف الجمعيه
ساره: والله ياياسمين لولا انى بجد مبهوره بيكوو كنت وريتك العين الحمرا ع اللى عملتيه فيه .. بس سماح المرادى
وع فكره المعرض دا فكرته حلوه اوىى وطريقه ظريفه انكم تعرفو الناس الجمعيه وكمان ف الوقت دا الشباب بيبقو خارجين كتيير وانتو حسب مافهمت بتعتمدو اكتر على الشباب وطاقتهم
ياسمين: تمام كده ياساره هى دى الفكره
تعالى بقى اعرفك على بنات رساله
اعرفكم يابنااات ساره صديقة الطفوله
ساره اعرفك: امل...هنا..بسمه...رحمه
ساره: اهلا بيكم ربنا يبارك فيكم يابنات
ياسمين: ممكن بقى تمسكولى البنوته دى وتقولولها كل نشاطات الجمعيه بالتفصيل وماتسيبوهاش غير لما تعمل استمارة تطوع
وبعد دقايق
ياسمين: ها ايه الاخبار؟؟..حاصرتوها ولا لسه؟؟
امل: ماشاء الله ياياسمين ساره ذكيه جدااا وعندها افكااار كتيير حلوه كنتى مخبياها عننا فين المده دى كلها
ياسمين: مخبياها؟؟؟...مين دا انا مظلومه والله
ساره بابتسامه وهى بتبص لياسمين: دا انا بترجى فيها من زماااان تجبنى الجمعيه وهى مش رااااضيه
ياسمين: اااااه فعلا اشهد بكده بأمارة صاحبتك الزنانه
ضحكت ساره وقالت للبنات: حقيقى انا اللى كنت متردده ف التطوع معاكم لكن بعد الكلام اللى قولتوه عن النشاطات وحماسكم ف الكلام حسيت اد ايه انتو بجد ناس جميله وهدفكم الاول والاخير رضا ربنا سبحانه وتعالى ثم مساعدة الناس المحتاجه
بس يللا بسرعه استغلو اللحظه دى وهاتولى استمارة التطوع املاها ..احسن اغير رأىى
ياسمين: اشهد ان لا الاه الا الله وان سيدنا محمد رسول الله
بسررررعه انتو مستنيين ايه ..بتقولكو هتغير رايها
وفعلا ابتدت ساره اول خطوه فى طريقها للجنه...وملت الاستماره
وهى بتكتب بصت للانشطه لقتها كتيييير جدا قالت لياسمين:هو انا ينفع اشارك فيهم كلهم بجد حابه اوىى كده
ياسمين: خلينا نتفق تيجى بكره معايا الجمعيه ونقابل موظفة الاستقبال وهى هتشرحك كل حاجه بالتفصيل ولو عندك اى استفسار هتوضحهولك
ساره بحماس شديد مش متعوده عليه ياسمين منها غير ف مواااقف نادره جداااا: تمااااااام اتفقنااااا
يبقى نتقابل بكره ان شاء الله ف الجمعيه انا عرفت العنوان خلاااص
وراحت ساره للبيت وحكت لوالدتها على المعرض وعنيها ملانه حماس
وقطعت كلامها وقالت: اوومال السيد سامر افندى فين؟؟مش سامعه صوته...انا عارفه يا ام ساره انك اتخذتى الخطوه دى وربطيه ف السرير وخيطتى بوقه...كااااان لازم تعملى كده من زمااان وتريحى البشريه منه
سامر فجأه ظهر من ورا ساره وقالها بصوت عااالى بطريقة خوفتها: قااااعد على قلبك.. وصلك خبر انها ربطتنى خلاص
بس تعالى هنا مين اللى قالك؟؟؟ انتى على اتصاااال بسريرى من ورايا...اه يا ويلتااه خياانه وسايبنى انام عليه كل يوم من غير ما يصارحنى!!؟؟؟
ساره ضحكت على غييير عادتها مع سامر... ومامتها بصت لها بتعجب وقالت: ايه ياساره شكلك ارتحتى ف المعرض دا
ساره وهى حيرانه شويه: والله يا امى شكلى كده هرتااح ف الجمعيه كلها...هنشوووف
ف مكان تانى غير بيت عم عبد الرحمن
سامر: مساء الخير يابرنس ..فينك اتاخرت ع الدرس ليه كده
عمر: مساء الفل..مافيش كنت بعمل مشوار كده
سامر: مشوار كده؟؟..انتى بتخبى على صاحبك ولا ايه النظام اعترف كنت فين؟؟ ولا هو سررر!!؟؟
عمر: لا والله مش سر ولا حاجه كنت بوصل شنطه شهريه من جمعيه رساله لناس جنب بيتنا قبل ماجى الدرس
سامر: يااادى رساله اللى ف كل مكان دى ...بس ماشاء الله عليك من امتى وانت خيير كده ..لالا هتخلينى اغير فكرتى عنك
عمر: مش كده بردو .. انا عرفتهم بالصدفه كنت ماشى مره جنب البيت وواحد عدى عليه وسألنى على بيت جيرانا فوديته البيت واحنا ماشيين اتعرفنا على بعض وفهمت منه انه متطوع ف رساله وكلمنى عنها كتييير فحبيت الفكره اوىى واتطوعت معاهم
وع فكره بعد الدرس عندى مشوار تانى كمان
سامر: يامشاويرك... فين بقى المرادى؟؟
عمر: هروح اجيب هدوم من عنوان جنب الدرس
سامروهو بيضحك: هتشترى هدوم يعنى من محل ولا ايه؟؟..شكلك ياعينى مزنوق ف تشيرت ولا حاجه..قولى يا بنى الصحاب لبعضيها
عمر بص لسامر نظرة غييظ وقال: طوووووووول عمرك مغرقنى بجمايلك يا زووووق انا غلطان انى بتكلم معاك
سامر: لالا خلاص مش هديك التشيرت لو هيزعلك بس قولى بجد رايح تجيب منين؟؟
عمر: فيه عندنا ف الجمعيه حاجه اسمها فرز مابس ومعارض ملابس وكل الهدووم دى بتيجى تبرعات .. يعنى الناس بتتبرع بالهدوم القديمه او الى صغرت عليهم وما عدوش محتاجينها
احنا بقى بنقبل التبرعات دى وبنعيد فرزها وبنظبطها وبنعمل بيها معارض ملابس القطعه بتتباع بسعر رمزىىىىى جدااا او بنعمل يوم كساء او بنوزع ملابس على الاسر المحتاجه وحاجات من دى
سامر: ماشاء الله .. حاجه جميله اوىى بجد ...ااااه فهمت .. وانت بقى رايح تجيب ملابس من ناس متبرعه بيها
عمر: الله اكبر اول مره اعرف انك نبيه كده
سامر وهو بيشد عمر عشان يدخلو الدرس: ايوه نبيه دا اسم الدلع بتاعى يللا يا استاذ الدرس هيفوتنا وانت بقيت رغااااى اوىىى ومش بتبطل كلام اتفضل قدامى
وبعد ساعه تقريبا
سامر: عمر ايه رايك حابب اجرب واجى معاك
عمر: جميييل طب يللا بينااا ..دا العنوان ورا الدرس هنا على طووول
وف نفس الوقت ف بيت عم عبد الرحمن
الام: ساره ياحبيبتى جهزتى ؟؟
ساره": اه ياماما...نازله حالا اهو عايزه حاجه من بره؟؟
الام: لا ياحبيبتى سلامتك خدى بالك من نفسك
الاب: يللا ياساره اوصلك ف طريقى
ساره: ياسلاااام انا همشى مع الاستاذ عبد الرحمن الوسييييم..لالا هيحسدونى علييك
الاب: يابنت بطلى بكش
ونزلت ساره مع والدها ولما وصلو للمكان اللى هتقابل ياسمين فيه ما لقتهاااش
لكن لقت خيمه وعليها نوور وواقف فيها بنات وفيه بضاعه كتييير على طرابيزه قدامهم وحواليهم شباب كتيير بيكلمو الناس اللى معديه ف الشارع تقريباا كده بيعرفوهم على حاجه
الاب: ايه ياساره مش ياسمين هتستناكى هنا؟؟
وفجأه لقو حد من وراهم بيقوووول
ممكن ناخد من وقتكم ثوانى لو سمحتوو احنا جمعية رسالة للاعمال الخيريه
ساره باندهاش: ياااااااااسميين بسم الله الرحمن الرحيم طلعتى منيين ؟؟
ياسمين: اولا ازيك ياعموو معلش طلعتلكو فجاه من المصباااح السحرىى
الاب: طيب قوليلها بقى شبيك لبيك وانا ماشى... خدو بالكم من نفسكم يا بنات
ساره: ممكن بقى تفهمينى ايه الحكايه وبتعملى ايه هنا؟؟
ياسمين:يافندم دا معرض دعايه لجمعية رساله
ساره: معرض دعايا!!؟؟؟
ياسمين: معرض دعايا يعنى خيمه كده زى مانتى شايفه بنعرض فيها منتجات لرساله(مجات ..مناديل..اقلام..ماديليات وحاجات تانيه كتييييير
والفكره اننا بنعمل دعايا للجمعيه وبنعرف الناس علينا وعلى نشاطاتنا
ساره: يعنى انتى واقفه ف المعرض دا دلوقت؟؟ وكنتى بتضحكى عليه وعامله اانا خارجين عشان تجبينى هنا
ياسمين:اصل انا عارفه صحبتى كويس مش بتقتنع بحاجه غير لما تشوفها ع الواقع
فقلت اوريكى حاجه بسيطه من اللى احنا بنعمله ف الجمعيه
ساره: والله ياياسمين لولا انى بجد مبهوره بيكوو كنت وريتك العين الحمرا ع اللى عملتيه فيه .. بس سماح المرادى
وع فكره المعرض دا فكرته حلوه اوىى وطريقه ظريفه انكم تعرفو الناس الجمعيه وكمان ف الوقت دا الشباب بيبقو خارجين كتيير وانتو حسب مافهمت بتعتمدو اكتر على الشباب وطاقتهم
ياسمين: تمام كده ياساره هى دى الفكره
تعالى بقى اعرفك على بنات رساله
اعرفكم يابنااات ساره صديقة الطفوله
ساره اعرفك: امل...هنا..بسمه...رحمه
ساره: اهلا بيكم ربنا يبارك فيكم يابنات
ياسمين: ممكن بقى تمسكولى البنوته دى وتقولولها كل نشاطات الجمعيه بالتفصيل وماتسيبوهاش غير لما تعمل استمارة تطوع
وبعد دقايق
ياسمين: ها ايه الاخبار؟؟..حاصرتوها ولا لسه؟؟
امل: ماشاء الله ياياسمين ساره ذكيه جدااا وعندها افكااار كتيير حلوه كنتى مخبياها عننا فين المده دى كلها
ياسمين: مخبياها؟؟؟...مين دا انا مظلومه والله
ساره بابتسامه وهى بتبص لياسمين: دا انا بترجى فيها من زماااان تجبنى الجمعيه وهى مش رااااضيه
ياسمين: اااااه فعلا اشهد بكده بأمارة صاحبتك الزنانه
ضحكت ساره وقالت للبنات: حقيقى انا اللى كنت متردده ف التطوع معاكم لكن بعد الكلام اللى قولتوه عن النشاطات وحماسكم ف الكلام حسيت اد ايه انتو بجد ناس جميله وهدفكم الاول والاخير رضا ربنا سبحانه وتعالى ثم مساعدة الناس المحتاجه
بس يللا بسرعه استغلو اللحظه دى وهاتولى استمارة التطوع املاها ..احسن اغير رأىى
ياسمين: اشهد ان لا الاه الا الله وان سيدنا محمد رسول الله
بسررررعه انتو مستنيين ايه ..بتقولكو هتغير رايها
وفعلا ابتدت ساره اول خطوه فى طريقها للجنه...وملت الاستماره
وهى بتكتب بصت للانشطه لقتها كتيييير جدا قالت لياسمين:هو انا ينفع اشارك فيهم كلهم بجد حابه اوىى كده
ياسمين: خلينا نتفق تيجى بكره معايا الجمعيه ونقابل موظفة الاستقبال وهى هتشرحك كل حاجه بالتفصيل ولو عندك اى استفسار هتوضحهولك
ساره بحماس شديد مش متعوده عليه ياسمين منها غير ف مواااقف نادره جداااا: تمااااااام اتفقنااااا
يبقى نتقابل بكره ان شاء الله ف الجمعيه انا عرفت العنوان خلاااص
وراحت ساره للبيت وحكت لوالدتها على المعرض وعنيها ملانه حماس
وقطعت كلامها وقالت: اوومال السيد سامر افندى فين؟؟مش سامعه صوته...انا عارفه يا ام ساره انك اتخذتى الخطوه دى وربطيه ف السرير وخيطتى بوقه...كااااان لازم تعملى كده من زمااان وتريحى البشريه منه
سامر فجأه ظهر من ورا ساره وقالها بصوت عااالى بطريقة خوفتها: قااااعد على قلبك.. وصلك خبر انها ربطتنى خلاص
بس تعالى هنا مين اللى قالك؟؟؟ انتى على اتصاااال بسريرى من ورايا...اه يا ويلتااه خياانه وسايبنى انام عليه كل يوم من غير ما يصارحنى!!؟؟؟
ساره ضحكت على غييير عادتها مع سامر... ومامتها بصت لها بتعجب وقالت: ايه ياساره شكلك ارتحتى ف المعرض دا
ساره وهى حيرانه شويه: والله يا امى شكلى كده هرتااح ف الجمعيه كلها...هنشوووف
