MA3AKCAFE

عزيزى الزائر.....نرجو منك الدخول وسرعة التسجيل لكى تتمتع بكل ماهو جديد وحصرى مع تحيات تيم معاك
MA3AKCAFE

أجدد الأفلام الأجنبية من السينما إليك مباشرة

كل عام وكل اعضاء معاك كافى بخير رمضان كريم ...بمناسبه شهر مضان سيتم اعلان اقسام رمضانيه جديده ستكون متاحه طوال فتره الشهر الكريم ..وسيتم اعلان مشرفين جدد .. واتمنى التوفيق للجميع .... تيم معاك

    كلام فى سرك 5

    شاطر

    WEKA
    معاك كبير قوى
    معاك كبير قوى

    ذكر عدد الرسائل : 843
    العمر : 25
    الموقع : دكرنس -شارع مجلس المدينه
    العمل/الترفيه : ربنا يسهل
    المزاج : مهيس
    اعلام الدول :
    المود :
    نقاط : 6436
    تاريخ التسجيل : 23/07/2009

    كلام فى سرك 5

    مُساهمة من طرف WEKA في الأربعاء أبريل 14, 2010 5:28 pm


    النهارده خلاص مش هقولك كلام فى سرك لكن انا بقولك طور حياتك ازاى تعالوا بنا فى رحله من الاحلام ونعيش الكلام والسؤال والجواب واول سؤال

    وهنفضل نشتكى لحد امتى ؟؟؟؟؟؟؟


    كتيييييييير بنشتكى من حاجات حوالينا ... وكل وقت شايفين حاجات وبنركز عليها وعلى كل حاجه وحشه فيها ... ونشتكى منها
    طب سألت نفسك مرة وده بيأثر عليا ازاى ولا بيأثر عليا ف ايه ؟؟

    احسبها وفكر لما اشتكيت ف الموقف الفلانى وشوف حالتك وقتها كانت عامله ازاى ............


    اى شكوى اخرهاااااا نرفزة وعصبية وضغط وقلق على نفسك
    طب يبقى دلوقتى ايه الحل ؟؟؟؟؟؟؟؟

    ازاى بقى ابطل الشكوى دى ؟؟؟

    الفكرة ف ان العقل بتاعنا زى جسمنا بيحتاج للاهتمام والغذا ولو اتعود على حاجه باستمراربيحتاجها وبيطلبها

    فالعقل بردو طول مانت بتشتكى بتديله فكرة سلبية ورا فكرة سلبية فبقى متعود عليها وبقت عنده عادة مش قادر يبطلها
    فازاى اسحب نفسى من الشكوى* او من اى عاده سلبية بس مش موضوعنا دلوقتى غير الشكوى *

    اولا :

    لازم يكون عندى اعتقاد ان دى مش عادتى يعنى مثلا

    لو انا صوتى عالى ولو حد قالى كده اقوله معلش دى طبيعتى انا كده صوتى عالى واذا كان عاجب بقى

    ليه اصلا اخليها طبيعتى وليه حكمت بكدة وثبت على نفسك ان دى طبيعتك وتتعامل بيها

    طب والعمل ......؟؟

    قبل مانعرف الحل لازم نعرف ان مشكلة التفكير السلبى انه بيجيب كل حاجه سلبيه معاه حتى لو من زماااااااان وحاجه مر عليها زمن بس طالما عايش حاله حزينة او كئيبة بتجيب كل حاجه شبهها

    يبقى الحل

    الحل مش ف محاربة الشكوى بالعكس الحل ف الاستسلام
    طب استسلام ازاااااااى

    لما طفل صغير وقت الاكل بتاعه وبتحاول تديله الاكل بيرفض وبيقولك مش هاكل مش هاكل ويتعبك معاه وتجرى وراه وتلف وتدور وتعمل قرد ادامه عشان ياكل مش هياكل بردو

    انما لو سبت الاكل ده ادامه قريب ف مكان يقدر يوصله وقلت له وقت متحب تاكل الاكل موجود هنا
    شوفه بعد شوية ايه هيحصل

    هتلاقيه بيسحب نفسسسسسسه وع الاكل جررررررررررى

    طب ايه حصل وكان رافض ليه ؟؟

    كان رافض عشان عاوز يلعب ولا عاوز يقول لا ويشغلك وتجرى وراه
    وانت عاوز تاكله عشان مصلحته

    هو ده نفس الحكايه

    الشكوى لما تجيلك طنشها اعلى بدماغك عنها اااااااااا

    بيقال ان العقل عامل زى القرد المجنون كل ما تحاربه يجنن اكتر سيبه اما يخلص جننانه ويمشى هى دى الفكرة




    طور حياتك وتفكيرك :


    وانشغل اكتر شوف فين خبراتك دلوقتى وشوف عاوز تكون ازاى بعد كده
    شوف مجالك للى حابه وطور نفسك فيه اسال الناس اللى تفهم ف المجال ده
    دور اتعب وهتلاقى وقتك بينشغل بحاجات انت حاببها فهتحس انك بتعمل فعلا حاجه واتحرك مش تفضل ف مكانك وايدك على خدك وياريت للى جرى ماكان


    لازم تبقى مدرك انك المسئول الاول عن فكرك ووعيك وخبراتك


    الحل الوحيد لموضوع الشكوى انك تبقى مستعد انك تقول لو للكون كله وتبقى مدرك تماما لده
    " انا مسئول عن جميع خبراتى فى الحياة اللى فات واللى جاى "
    دى امثلة للمعنى ده
    لو ان مش سعيد ده عشان انا السبب فى ده
    لو فى مشكلة بتضايقنى انا اللى مطلوب منى احلها
    لو فى واحد محتاجنى يبقى لازم اساعده
    لو محتاج حاجة يبقى انا المطلوب منى ان احققها
    لو عايز حد فى حياتى يبقى انا االلى مطلوب منى انى اخليه فى حياتى
    لو مش حابب وضعى الحالى يبقى لازم اغيره


    كمان لازم عشان تفهم المسئولية دى اكتر تبقى مقتنع ان برضه الظروف الجيدة اللى انت فيها مسئوليتك وانت السبب فيها
    الحاجات الكويسة مبش مجرد بتحصل لك كده انت اللى عملتها


    برافو عليك
    كافىء نفسك عالحاجات الكويسة اللى عملتها ومتتظاهرش انك بتمتع بالحاجات اللى مبتحبهاش
    اقتنع بالمسئولية عنهم عشان تبقى جاهز تتصرف بعد كده


    يومى النهارده احلى يوووووووم


    خلى يوووووووومك النهاردة احلى يوم


    ابدا يومك وقول النهارده هيكون احلى يوم

    النهارده هكون سعيد


    اكتبه

    ايوة اكتبها على ورقة ادامك وقول النهارده هيكون لى احسن يوم


    وقولها بصوت عالى

    ملاحظه *** بس بلاش يكون حد جنبك يعنى عشان محدش يقول عليك هوس هوس ***


    حتى لو لقدر الله حصل حاجه ف اليوم وقتها وانت بتفكر ف بداية يومك هتقدر تعدى المشكلة دى

    وهتقول مش دى للى هتعكر مزاجى ولا تبوظ يومى


    هتقول الكلام سهل وجميل ومفيش اسهل منه


    جرب ومش هتخسر ولو خسرت يبقى خسرت ايييييييه ؟؟؟؟

    مش هتلاقى حاجه خسرتها


    طب ولو كسبت هتكسب ايه ؟؟؟؟

    هتكسب طريقة تفكير جديده ف حياتك

    هتكسب يوم جديد عشت فيه بسعاده

    هتكسب مشكلة جديده قابلتك لمجرد انك قررت هتبقى سعيد وكتبتها وقلتها هتقدر تخلى المشكلة سهله لانك هتدور على حل ليها بسرعه عشان تكمل سعادتك





    شوف الفرق وقرر واختار وجرررررررررب




    لو فى حاجات بتضايقك وممكن تتكرر ف حياتك ساير دماغك كدة يعنى كبر دماغك وبص لها بطريقة تانيه

    واتعامل بطريقة مختلفة فيها

    وكل مشكلة وليها مليون حل



    احنا بس للى بنركز ع المشكلة ومين سببها وبعدين نبقى نفكر ف الحل



    ناس فاضية بقى عندها وقت وعاوزه تضيعه

    تضيعه ف ايه غير كدةةة؟؟؟




    وعجبى علينا ف الزمن ده




    المهم ف الموضووووووووع ده

    حاجتين

    1-جرررررررررب

    2- صالح نفسك وكافئها لما تحس بفرق


    هدفنا اننا نجرب مش اكتر


    ولو حد هيخسر يقولنا ممكن يخسر ايه

    ؟؟؟؟


    "عشان تكـــون مرتــــاح ...."وتقدر تسعد نفسك ..."



    يلا نلون حياتنا .. يلا نغيرها للأحسن ..يلا نبدأ صح .. ولو بدأنا نكمل صح ...





    طب ازاى أقدر ألون ؟؟


    ازاى أكون مرتاح ..؟؟


    ازاى أقدر أسعد نفسى ؟ وأسعد للى حواليا ؟؟


    عشان تقدر تعمل كده

    اسأل نفسك الاسئلة الصح........... طب يعنى ايه اسئلة صح ؟



    احنا لما بنسأل نفسنا سؤال بنستنى الاجابة من عقلنا ووقت ميقول الاجابه علطول بتأثر ف سلوكياتنا وعاداتنا




    طب ليه اسأل نفسى سؤال يأثر عليا سلبى

    وايه هيا الاسئلة للى ممكن اسألها لنفسى عشان ارتاح من الاول ؟؟



    لو سألت نفسك هو ده بيحصلى ليه ؟؟ واشمعنا انا ؟؟ او قلت هفضل عايش كدة ف ضغط ده لحد امتى ؟؟


    او حاسس ان الشغل واخدنى من حاجات كتيييييييير اوى ف حياتى ... او عندى وقت ومش عندى وقت ...


    شوف هتحس بايه لما تسال نفسك الاسئلة دى ؟؟




    انما لو قلت (((ازاى أقدر اخلى النهارده أجمل يوم ف حياتى ؟؟))


    تخيل الاجابه هتكون ازاى




    هتفكر بطريقة مختلفة وهتلاقى الاجابه للى تكون لك حافز ودافع قوى ان فعلا النهارده يكون أحلى واجمل يوم





    ليه بقى متسألش نفسك الأسئلة الصح الذكية للى تخليك قادر فعلا على انك تكون مرتاح وسعيد ومبسوط

    وتقدر تسعد نفسك وكل للى حواليك





    دى مجموعة اسئلة



    خد منهم كام سؤال اكتبهم ف ورقة علقهم ف مكان تشوفه علطول



    خليهم خلفية لجهازك حتى المهم تشوفهم دايما ادامك ووقت متحس انك محتار وبتسال نفسك سؤال ده بالطريقة دى شوف الفرق هيكون ايه وازاى



    انت عايز تنجز ايه النهارده ؟
    ايه اهم حاجة عايزها النهارده ؟
    احسن طريقة استغل بيها وقتى دلوقتى ؟
    ايه اللى انا بنجزه دلوقتى ؟
    ايه اللى ممكن اعمله دلوقتى عشان احقق هدفى ؟
    مين اللى مفروض اشكره النهارده ؟
    مين اللى ممكن اتعلم منه النهارده ؟
    ايه اهم 3 اهدافى ؟
    ازاى اسعد نفسى دلوقتى ؟
    ايه اهم حاجة فى حياتى ؟
    ايه اللى ممكن اعمله عشان اضيع القلق النهارده ؟
    ازاى ابقى اكتر شخص طيب النهارده ؟
    ايه اللى ممكن اعمله النهارده يزود حسناتى ؟
    ازاى اقرب من ربنا النهارده ؟
    ايه اللى ممكن اتعلمه النهارده؟
    ازاى افرح النهارده ؟
    ازاى احل مشكله النهارده ؟
    مين ممكن ابقى معاه ومبسوط النهارده ؟
    ازاى اخلى شغلى اكتر راحة ؟
    ازاى اخلى يومى النهارده محصلش؟
    ايه الخبرات اللى ممكن اخدها النهارده ؟
    ايه الجديد اللى ضفته لنفسى النهارده ؟
    ازاى النهارده يبقى احسن يوم فى حياتى ؟
    ايه الحاجة اللى ممكن اعملها النهارده وانا مبسوط جدا ؟
    ايه الحاجة اللى مش لازم انساها النهارده ؟
    مين اللى ممكن اساعده النهارده ؟


    مفيش حد ف الدنيا من غير شكوى .. وكل واحد ف الدنيا عنده كتيييييير يشتكى بسببه وظروف ومشاكل وضغط


    بس

    الأكييييد بردو ان فى حاجات اجمل واجمل موجودة ف حياتنا تستاهل


    فيلا نبدأ ... تعالوا نفكر ونتأمل ف كل حاجه جميلة ف حياتنا ونسمى اليوم ده



    يوم الشكر لله يوم العرفان بكل شئ جميل ربنا انعمنا بيه

    وده مش مجرد يوم ده كل يوووووووم


    يلا نبدا ونلاحظ كل حاجه ف حياتنا حتى لو حاجه بتجننك


    مديرك ف شغل .. أطفال مثلا .. مراتك .. حماتك .. التليفزيون البايظ .. زميلك .. موبايل للى مش بيرن وعاوز تكسره ف وقت عصبية وضيق


    فكر ف كل حاااااااااااااجه


    بس اسأل نفسك الاسئلة الصح وهى

    ايه الحاجات الكويسة للى بيعملها الشخص ده ؟؟؟

    حياتى هيبقى شكلها ايه من غير الشئ ده او الشخص ده ؟؟


    ساعتها هتحس بحاجات كتيرة اوى حلوة .. لان كل ده ف ايدينا بس وقت مابيروح مننا بنحس فعلا بقيمته ونرجع نقول يارييييييييت

    طب يلا نبدأ ونفكر مثلا ف حاجات كتير حوالينا وبنستعملها

    شوية هوا نظيف

    وخصوصا ف وقت مميز بتحب تكون مرتاح فيه وتقعد مع نفسك لو حتى على سطح البيت


    وقت النوم باللييييل

    ومش لقيت السرير للى عاوز تنام عليه ف عز تعبك وبعد يوم ارهاااق



    العائلة

    موجود وسط عايلة الحمد لله

    الاكل والحمد لله فضل ونعمة من ربنا

    وجيبة طبق الفول الموجوووود

    المياه تخيل حياتك من غيرها

    قيس بقى على كده حياتك وشوف اقل حاجه موجوده ف حياتك ايه

    وعيش ودوق معنى السعاده ف اقل حاجه موجودة

    وقوووووول بجد الحمد لله ساعتها هتحس انك ملكت كل الكون بالحمد لله...

    وهفضل دايما اقولك كلام فى سرك ..



    [ندعوك للتسجيل في المنتدى أو التعريف بنفسك لمعاينة هذا الرابط]

    اميره الاحساس
    أعضاء متميزه
    أعضاء متميزه

    انثى عدد الرسائل : 2066
    العمر : 25
    الموقع : احلى حياه ويارب تدوم مع احلى حبيب
    العمل/الترفيه : داخل القلب واغصان الحياه واطلب من الله ان لا تنكسر هذه الاغصان
    المزاج : فى العادى مبحاولش اقفلها
    اعلام الدول :
    المود :
    نقاط : 8276
    تاريخ التسجيل : 24/07/2008

    رد: كلام فى سرك 5

    مُساهمة من طرف اميره الاحساس في الأربعاء أبريل 14, 2010 7:05 pm

    انت النهارده زى ما بيتقال جيت على الوجع بجد
    بس تصدق انا بقالى ىفتره بحاااااول اعمل كدافعلا
    والحمد لله بقيت على ما اقدر احاول متضايقش وقليل اما بقيت اضايق

    بجد موضوع جميل اوى اوى اوى يا ويكااااااااااا تسلم ايدك



    احببتك بكل ما فى
    عقلى اصبح يفكر فيك دائما قلبى متعلق بك بلهفه
    عينى تتمنى رؤيتك جسدى يتمنى لمسك
    احبك بل اعشقك
    واطلبها منك مره والاف المرات
    سامحنى انك حبيبى ولست كذلك وفقط
    احبك يا مالك روحى
    لا تنسى اننا دائما معا واحد
    بحبـــــــــــك

    WEKA
    معاك كبير قوى
    معاك كبير قوى

    ذكر عدد الرسائل : 843
    العمر : 25
    الموقع : دكرنس -شارع مجلس المدينه
    العمل/الترفيه : ربنا يسهل
    المزاج : مهيس
    اعلام الدول :
    المود :
    نقاط : 6436
    تاريخ التسجيل : 23/07/2009

    رد: كلام فى سرك 5

    مُساهمة من طرف WEKA في الأربعاء أبريل 14, 2010 8:10 pm

    ميرسى يا اميره لكن يارب اكون مجتش اوى على الجرح...



    [ندعوك للتسجيل في المنتدى أو التعريف بنفسك لمعاينة هذا الرابط]

    HETTLER
    TEAM MA3AK
    TEAM MA3AK

    ذكر عدد الرسائل : 3228
    العمر : 28
    الموقع : www.Ma3akCafe2.com
    اعلام الدول :
    المود :
    نقاط : 10377
    تاريخ التسجيل : 20/04/2008

    رد: كلام فى سرك 5

    مُساهمة من طرف HETTLER في الأربعاء أبريل 14, 2010 10:07 pm

    لا فعلا يا ويكا انتا فى التوبيك دا تفوقت على نفسك بجد انتا شرحت وعملت علاج للمشكله بطريقه جميله وسهله

    تسلم ايدك والله

    وفى انتظر باقى توبيكاتك الرائعه




    عصفوره الجنه
    معاك متحصن
    معاك متحصن

    انثى عدد الرسائل : 1014
    العمر : 25
    المزاج : الحمد لله تمام
    اعلام الدول :
    المود :
    نقاط : 6431
    تاريخ التسجيل : 14/03/2010

    رد: كلام فى سرك 5

    مُساهمة من طرف عصفوره الجنه في الخميس أبريل 15, 2010 3:03 pm

    تسلم يا ويكا

    بجد توبيك روعه

    ودائما فى تقدم مستمر

    WEKA
    معاك كبير قوى
    معاك كبير قوى

    ذكر عدد الرسائل : 843
    العمر : 25
    الموقع : دكرنس -شارع مجلس المدينه
    العمل/الترفيه : ربنا يسهل
    المزاج : مهيس
    اعلام الدول :
    المود :
    نقاط : 6436
    تاريخ التسجيل : 23/07/2009

    رد: كلام فى سرك 5

    مُساهمة من طرف WEKA في الخميس أبريل 15, 2010 4:31 pm

    ميرسى هتلر وميرسى عصفوره
    لكن هتلر انا عايز اقولك حاجه انا عملت الى انا قولته كله لكن النهارده رحت الامتحان ومكتبتش حاجه علشان انا مكنتش مزاكر كل المنهج فكان لازم ادور على العيب الى عندى ولقيت ان مفيش فى الجامعه حاجه اسمها انشن على موضوعات واسيب الباقى حتى لو المدرس الى بتاخد عنده قرص قالك انا معايا الامتحان متصدقش لان الدكتور نفسه غير الامتحان قبله بساعتين علشان فى ناس من الدفعه ضايقوه انبارح ....



    [ندعوك للتسجيل في المنتدى أو التعريف بنفسك لمعاينة هذا الرابط]

    HETTLER
    TEAM MA3AK
    TEAM MA3AK

    ذكر عدد الرسائل : 3228
    العمر : 28
    الموقع : www.Ma3akCafe2.com
    اعلام الدول :
    المود :
    نقاط : 10377
    تاريخ التسجيل : 20/04/2008

    رد: كلام فى سرك 5

    مُساهمة من طرف HETTLER في الخميس أبريل 15, 2010 4:57 pm

    الكلام دا معروف يا ويكا وانا مريت بالموضوع دا شخصيا ان الدكتور يغير الامتحان قبل معاد الامتحان بساعه واحده

    انا عايز اقول ان فى نسبه حظ كبيره فى الكليه واللى يقول غير كدا يبقى بيخدع نفسه لاننا كلنا عارفين من جوانا الكليات ماشيه ازاى

    بس مش معنى كدا اننا مش نذاكر ونعمل اللى عليا لا اعمل اللى عليك وسيب الباقى على ربنا

    ان شاء الله تنجح يا ويكا وبالتوفيق




    WEKA
    معاك كبير قوى
    معاك كبير قوى

    ذكر عدد الرسائل : 843
    العمر : 25
    الموقع : دكرنس -شارع مجلس المدينه
    العمل/الترفيه : ربنا يسهل
    المزاج : مهيس
    اعلام الدول :
    المود :
    نقاط : 6436
    تاريخ التسجيل : 23/07/2009

    رد: كلام فى سرك 5

    مُساهمة من طرف WEKA في الخميس أبريل 15, 2010 5:16 pm

    ان شاء الله .وربنا معانا كلنا



    [ندعوك للتسجيل في المنتدى أو التعريف بنفسك لمعاينة هذا الرابط]

    عاشقة الجمال
    معاك كبير
    معاك كبير

    انثى عدد الرسائل : 448
    العمر : 27
    الموقع : بيت بابا وماما
    العمل/الترفيه : اذا اردت شيئا بقوه فدعه يغور فان عاد اليك فقشطه اوى وان لم يعد فيولع بجاز
    المزاج : هايـــــل جميـــل
    اعلام الدول :
    المود :
    نقاط : 5413
    تاريخ التسجيل : 16/03/2010

    رد: كلام فى سرك 5

    مُساهمة من طرف عاشقة الجمال في الأحد أبريل 25, 2010 1:35 am

    بجد تسلم ايدك ع الكلام الحلو اوى دا
    بس كلام فى سرك هى دى الحياه الى احنا عيشنها

    pooh
    معاك كبير
    معاك كبير

    انثى عدد الرسائل : 358
    العمر : 27
    المزاج : ما أعظم أن تكون غائباً حاضر ؛عن أن تكون حاضراً غائب
    اعلام الدول :
    المود :
    نقاط : 5242
    تاريخ التسجيل : 14/04/2010

    رد: كلام فى سرك 5

    مُساهمة من طرف pooh في الخميس أبريل 29, 2010 10:08 am

    توبيك بجد حلو جدا جدا
    وإنت فعلا جبت الكلام فى النقط دى من الآخر
    تسلم إيدك يا ويكا

      الوقت/التاريخ الآن هو الخميس ديسمبر 08, 2016 1:53 pm