MA3AKCAFE

عزيزى الزائر.....نرجو منك الدخول وسرعة التسجيل لكى تتمتع بكل ماهو جديد وحصرى مع تحيات تيم معاك
MA3AKCAFE

أجدد الأفلام الأجنبية من السينما إليك مباشرة

كل عام وكل اعضاء معاك كافى بخير رمضان كريم ...بمناسبه شهر مضان سيتم اعلان اقسام رمضانيه جديده ستكون متاحه طوال فتره الشهر الكريم ..وسيتم اعلان مشرفين جدد .. واتمنى التوفيق للجميع .... تيم معاك

    الإخوة اللي بدقن.. شباب مصر الثورجية.. واللي بايعين القضية

    شاطر

    HETTLER
    TEAM MA3AK
    TEAM MA3AK

    ذكر عدد الرسائل : 3228
    العمر : 28
    الموقع : www.Ma3akCafe2.com
    اعلام الدول :
    المود :
    نقاط : 10377
    تاريخ التسجيل : 20/04/2008

    الإخوة اللي بدقن.. شباب مصر الثورجية.. واللي بايعين القضية

    مُساهمة من طرف HETTLER في الإثنين أبريل 19, 2010 4:13 pm






    شباب متدين




    (أحمد ومنى 1)

    تعرّف "أحمد" اللذيذ الروش اللي قدر بأعجوبة إنه
    يوقف كل شعر رأسه بـ"جيلّ زحلقة"، وبيلبس عادة ملابس ضيقة وبنطلون ساقط
    وفاتح صدره للحياة أسوة بمطرب الجيل؟ هتعرفه بالتأكيد من تركيزه في رسالة
    الموبايل التي بيكتبها بـ"فرانكو آراب".. أحمد اللي بيكذب على أبوه وبياخذ
    فلوس الدروس عشان يتعشى بيها مع البنت بتاعته في "كنتاكي"، البنت بتاعته...


    "منى" صاحبة أشهر لفات الطرح، وتركيبات "الميك آب" في الجامعة، أحمد
    هيرجع البيت بعد ما لف مع أصحابه لفتين أمريكاني بالعربية، ودخّن سجارتين
    ويقعد على الكمبيوتر بعد ما يتأكد إنه قفل باب الأوضة كويس، ويبدأ في
    الدردشة مع منى، والفُرجة على المواقع الإباحية في نفس الوقت، وهي هتقعد
    في الناحية التانية تكلمه، وتتفرج على "يوميات ستار أكاديمي"، وتشيل
    المانيكير الأحمر عشان تحط الأزرق اللي هيليق مع هدومها بكرة.


    هي دي صورة الغالبية العظمى من شباب اليومين دول للأسف، شباب
    ضايع، بيجري ورا الموضة وبياخدوا مصروفهم من أهاليهم ومش عاوزين يتعبوا
    وعاوزين كل شيء على الجاهز.









    شبابنا رايح على فين؟









    (أحمد ومنى 2)

    الأخ أحمد برضه هتعرفه من أول لحظة.. الأخ أبو دقن، ببنطلونه القصير،
    وأجمل ما فيه غضه للبصر، والتزامه بالصلوات الخمسة في مسجد الكلية، وأسوأ
    ما فيه نظرات الاستحقار التي يرسلها هنا وهناك، كلما رأى "توتو المتبرجة".


    والأخت "منى" المحجبة اللي أول ما تمد لها إيدك بالسلام حتى تعتذر
    وتقول لك "آسفة ما باسلّمش بالإيد"، ويمكن ترفض تكلمك أصلا، ولما بيرجعوا
    البيت، أول حاجة هتعملها هتحوّل قناة روتانا زمان اللي أمها متابعاها من
    المطبخ إلى قناة الناس أو الرسالة أو اقرأ، وهيقعدوا يستمعوا في هدوء إلى
    ثواب غض البصر والصوم، والجنة التي سينالانها في الآخرة بما أن جنة الدنيا
    قد استعصت عليهما، وعذاب القبر وعذاب النار الذي سيناله كل من المتبرجات
    والفاسقين الذين يبيحون الاختلاط وعمل المرأة، وبعدما يخلص البرنامج،
    هيتقوقع في غرفته يقرأ في بعض الكتب السلفية، وهتتكوم هي في وضع الجنين
    وتنام.


    لأ... هي دي صورة الغالبية العظمى من شباب اليومين دول، شباب
    متدين، منطوٍ، ومنغلق، ومتشدد، يصعب عليه تقبل الآخر، ويكتفي بالعلوم
    الدينية، ولا يسعى للتقدم.














    شباب ثورجي









    (أحمد ومنى 3)

    "أحمد الثورجي" هتعرفه برضه وسط المظاهرة من شعره الطويل والكوفية
    الفلسطينية والجينز الديرتي، معاه اللاب توب بتاعه، وبيحب يعمل حاجته
    بنفسه، وعشان كده قرر إنه يشرب "توباكو"!، ويلف سجايره بدل السجائر
    "المكنة".


    و"منى" المرة دي هي شعرها قصير ومسترجلة حبتين، عادة ما ترتدي بادي بلا
    أكمام، تضع عليه جاكيت أو شال عندما تكون في طريقها للبيت الموجود في أحد
    الأحياء الشعبية، وبتخبّي علبة السجاير تحت ملابسها قبل ما تخشّ البيت،
    بتحب فيروز، وبيعشق منير، وبيحطوا صورة جيفارا فوق السرير، ويناديان
    بالحرية...


    "يا حرية فينك.. فينك؟!... ميدان الفلكي بيننا وبينك"... "ميدان الفلكي"؟؟؟ بتاع باب اللوق ده!! أيون.

    ما هو أصل "الحرية" في الهتاف السابق، مش حرية الإنسان والرأي
    والتعبير، دي "قهوة الحرية الشهيرة"، ووراها "قهوة الندوة الثقافية"، وإذا
    تعمقت في وسط البلد شارعين كمان ستجد "قهوة زهرة البستان" و"قهوة البورصة"
    و"قهوة التكعيبة"، وإذا لم تجد صاحبك أو صاحبتك في المظاهرة، تأكد أنك سوف
    تجدهما "على القهوة"!! يجلسان يتناقشان حول كتاب "كونديرا" أو "ماركيز"
    ويلعنان حظهما؛ لأنهما ولدا في القاهرة وليس في عاصمة الأدب والفن
    "باريس"، لكن الأكيد أنك لن تجدهما في بيوتهما.


    أيوه... بقى فيه شباب كتير اليومين دول، بيقولوا على نفسهم مثقفين ومشغولين بالهم العام، ومع ذلك مش بيعملوا أي حاجة غير القعدة على القهوة، في
    الوقت اللي البلد فيه محتاجة للعمل من أجل التغيير مش مجرد التظاهر
    والانقسام ما بين مؤيد للنظام.. ومعارض له.. وأغلبهم في الآخر يسعون وراء
    حضور المؤتمرات والحصول على المنح والعطايا من المراكز الثقافية الأجنبية.
















    طب أحمد ومنى رأيهم إيه في الموضوع ده؟؟

    "أهالينا مش قادرين يفهمونا... كل همهم ناخد شهادة... طب وبعد
    ما ناخد الشهادة، نقف في طابور العاطلين، محتاجين سنين عشان نتجوز، وعيب
    إننا حتى نحب، إحنا عاوزين نستمتع بحياتنا.. فيها إيه لما نهتم بالموضة،
    ونحب، ونعيش؟! ولما نتخرج هندوّر على أي فرصة ونخرج بره البلد دي".


    "الدين هو أساس كل شيء في الحياة، الدين هو الصح وأي شيء تاني
    غلط، مش كفاية إننا عايشين ومستحملين الفساد اللي حوالينا، واللي سببه
    عصيان ربنا، الناس التانية هما اللي المفروض ينصلح حالهم مش إحنا".


    "الحرية يا جماعة، لازم كل واحد يبقى حر في حياته، ولازم نكون
    متحضرين أكتر ونقدر نتقبل بعض، وجزء من الحرية إننا نستقل بحياتنا عن
    أهالينا.. شوفوا مثلاً في الغرب الشاب بيخرج وهو عنده 16 سنة من بيت أهله،
    ويشتغل، ويصرف على نفسه، وهنا أبويا هو اللي بيفرض عليّ الكلية اللي
    باخشّها، والهدوم اللي بالبسها وكل شيء، وحتى لو حاولت أستقل ما باعرفش؛
    لأن الشركات مش بتشغل طلبة أو حديثي التخرج، ولا حتى بتديهم فرص يتدربوا،
    القهوة هي قلعة الحرية ولا عاوزيني أسيب حلمي وأطلع أجري ورا القطر".




    تأملْ معي حال مصر، وقد تحول معظم شبابها إلى هذه الصور بعدما فرضت
    الفضائيات سلطتها على المجتمع، وصدّرت أفكاراً مغلوطة عن القيم التي يجب
    اتباعها، بالأمس كان الشباب المصري من أهم الدعائم التي قام عليها دور مصر
    طوال قرن كامل من الزمان، ولكن مصر غابت وغاب معها أهم أدوارها تأثيراً
    وإقناعاً، ويُرجع البعض الأسباب إلى الدولة التي هجّنت الثقافة، وتركت
    عقول الشباب فارغة لتملأها أوهام الفضائيات.


    إحنا طبعا عارفين إن أكيد شباب مصر مش كله في المظاهرة، ومش كله على
    القهوة، ومش كله بيغني اخترناك وعضو في الحزب الوطني، ومش كله بيشرب
    مخدرات ومسطول، ومش كله سواقين ميكروباص، ومش كله ضارب شعره جيلّ وبيقلد
    تامر حسني... بس الأكيد إن كلهم غلبانين.


    وإن أكيد فيه ناس متوازنة، وقادرة تحقق المعادلة الصعبة، وتنجح وتشتغل
    وتحقق أحلامها، وتكون نموذج للشاب المصري المثقف المتحضر الناجح، بس دول
    للأسف قليلين.


    تخيلوا مصر فيها 21 مليون طالب، وقدّ العدد ده فيه بطالة، وتخيلوا
    معايا الناس دي كلها شايفة مستقبلها إزاي؟ يا ترى يكونوا غلط ولا صح لو
    عاشوا بس يومهم أو اتقوقعوا على نفسهم أو اتمردوا وثاروا من وقت للتاني؟





    تفتكر غالبية الشباب المصري بيفكروا إزاي؟

    وشايف مستقبلك إزاي في ظل الظروف الحالية؟

    وتفتكر إيه هي مشكلة الشباب المصري الحقيقية؟

    ومين اللي في إيده حلها؟

    قول لنا رأيك...




    السعودى
    أعضاء متميزه
    أعضاء متميزه

    ذكر عدد الرسائل : 1285
    العمر : 28
    الموقع : www.ma3akcafe2.com
    العمل/الترفيه : صايع و بدور ع شغل
    المزاج : &; طــــــالـــــب &; قـــــرش &; حشـــيـــش &;
    اعلام الدول :
    المود :
    نقاط : 7067
    تاريخ التسجيل : 11/12/2008

    رد: الإخوة اللي بدقن.. شباب مصر الثورجية.. واللي بايعين القضية

    مُساهمة من طرف السعودى في الإثنين أبريل 19, 2010 7:29 pm

    تفتكر غالبية الشباب المصري بيفكروا إزاي؟

    - و الله كل واحد و ليه تفكير عشان انا مقدرش احكم على حد او حتى اعرف هو بيفكر في اية -

    وشايف مستقبلك إزاي في ظل الظروف الحالية؟


    - و الله الواحد ممكن يتحمل و يتعب هو اه هيتعب اوى بس في الاخر هيلقي تعبه و هيلقي اللي هو عاوزه و بيحلم بيه طول عمره

    - اما لو حاطط ايده علي خده و مستني المستقبل يجيي لحد عنده يبقي غلطان

    وتفتكر إيه هي مشكلة الشباب المصري الحقيقية؟

    - و الله مشكلتهم الاولي اللي من وجهة نظري ( انهم بعاد عن ربنا )

    - ان هما مش عندهم طموح لبكره ..

    - ومستنيين الحاجه تيجي لحد عندهم او الفرصه اللي هما عاوزينها

    ومين اللي في إيده حلها؟

    - و الله لينا رب اسمه الكريم

    - قال رسول الله (صلي الله عليه و سلم ) ( كلكم راع و كلكم مسئول عن رعيتيه ) صدق رسول الله صلي الله علية و سلم .


    توبيك يستاهل النقاش




    HETTLER
    TEAM MA3AK
    TEAM MA3AK

    ذكر عدد الرسائل : 3228
    العمر : 28
    الموقع : www.Ma3akCafe2.com
    اعلام الدول :
    المود :
    نقاط : 10377
    تاريخ التسجيل : 20/04/2008

    رد: الإخوة اللي بدقن.. شباب مصر الثورجية.. واللي بايعين القضية

    مُساهمة من طرف HETTLER في الثلاثاء أبريل 20, 2010 3:18 pm

    شكرا يا سعودى على ردك وعلى الاجابه على اسئلتى نورتنى والله




    اميره الاحساس
    أعضاء متميزه
    أعضاء متميزه

    انثى عدد الرسائل : 2066
    العمر : 25
    الموقع : احلى حياه ويارب تدوم مع احلى حبيب
    العمل/الترفيه : داخل القلب واغصان الحياه واطلب من الله ان لا تنكسر هذه الاغصان
    المزاج : فى العادى مبحاولش اقفلها
    اعلام الدول :
    المود :
    نقاط : 8276
    تاريخ التسجيل : 24/07/2008

    رد: الإخوة اللي بدقن.. شباب مصر الثورجية.. واللي بايعين القضية

    مُساهمة من طرف اميره الاحساس في الأربعاء أبريل 21, 2010 10:24 pm

    تصدق يا هتلر معتش فى حجاه واحده فى البلد حلوة وال بيجى عشان يصلح بيتشال
    ومعتش فيه شغل وزى ما انت قولت فى اوربا من اول 16 سنه بيشتغل وبيصرف على نفسه وبيكون ليه دخل ثابت انما هنا ممكن يبقى هيعدى ال 30 ولسه بياخد مصروف والنبى مش عيبه فى حقنا مش عيب فى حق مصر وال بيجيلها سواح من كل مكان

    مش عيب نكون لسه بناخد معونات وفى ناس معاها فوق المليارات
    محشد عاد فاهم حاجه ولا حتى عايزين حاجه
    دا يوم ما الشباب بيتكلم عشان ياخد حقه بيشغلوه ويعملوا حفلات هنا وهناك

    واولها عندناحمله 6 ابريل عملوا حفله مش عشان ترفيه لا عشان يلغوا عقل الشباب هما دا ل هما عيزانه ولا ايه بالظبط

    مبقتش فاهمه البلد ماشيه ازاى محدش عايز يصلح كل بيفسد وبس

    ربنا يرحمنا ويعدل حال البلد دى

    تسلم يا هتلر وموضوعه يستاهل جدال ونقاش ولو الواحد فضل يتكلم مش هيخلص
    وانا نفسى بقيت معترضه كتير ولو قولت على المعوج مش هنخلص والعدل مظنش هيكون كتيرررررررررررر

    تسلم ا
    يدك



    احببتك بكل ما فى
    عقلى اصبح يفكر فيك دائما قلبى متعلق بك بلهفه
    عينى تتمنى رؤيتك جسدى يتمنى لمسك
    احبك بل اعشقك
    واطلبها منك مره والاف المرات
    سامحنى انك حبيبى ولست كذلك وفقط
    احبك يا مالك روحى
    لا تنسى اننا دائما معا واحد
    بحبـــــــــــك

    HETTLER
    TEAM MA3AK
    TEAM MA3AK

    ذكر عدد الرسائل : 3228
    العمر : 28
    الموقع : www.Ma3akCafe2.com
    اعلام الدول :
    المود :
    نقاط : 10377
    تاريخ التسجيل : 20/04/2008

    رد: الإخوة اللي بدقن.. شباب مصر الثورجية.. واللي بايعين القضية

    مُساهمة من طرف HETTLER في الأربعاء أبريل 21, 2010 11:11 pm

    والله يا اميره كلامك سليم جدا جدا وفعلا فى حاجات كتيره غلط محتاجه تتصلح

    وزهقنا وعايزين التغير بقى

    بجد انا بشكرك على ردك الجميل




    pooh
    معاك كبير
    معاك كبير

    انثى عدد الرسائل : 358
    العمر : 27
    المزاج : ما أعظم أن تكون غائباً حاضر ؛عن أن تكون حاضراً غائب
    اعلام الدول :
    المود :
    نقاط : 5242
    تاريخ التسجيل : 14/04/2010

    رد: الإخوة اللي بدقن.. شباب مصر الثورجية.. واللي بايعين القضية

    مُساهمة من طرف pooh في الأربعاء أبريل 21, 2010 11:39 pm

    *تفتكر غالبية الشباب المصري بيفكروا إزاي؟

    أكيد الغالبية بيفكر إزاى يكون مستقبل عشان يقدر يكون أسرة وفى اللى ضاربينها طناش وسيبينها زى ما تيجى تيجى

    *وشايف مستقبلك إزاي في ظل الظروف الحالية؟

    والله أنا شايفة إنى زى الولد أقدر أحقق أى حاجة أنا عيزاها ما دام قادرة إنى أفكر فى محتواها صح

    *وتفتكر إيه هي مشكلة الشباب المصري الحقيقية؟

    التعجيز اللى بيحصلهم من أى مكان سواء البيت أو الدراسة أو الشغل أو الجيش
    وإنهم مش لاقيين فرصة صح

    *ومين اللي في إيده حلها؟

    كل إنسان ليه عقل ويقدر يفكر صح ويلاقى حل لأى مشكلة لأن مفيش شئ مستحيل


    توبيك هايل ويستحق النقاش
    تسلم عليه

      الوقت/التاريخ الآن هو الخميس ديسمبر 08, 2016 9:57 am