MA3AKCAFE

عزيزى الزائر.....نرجو منك الدخول وسرعة التسجيل لكى تتمتع بكل ماهو جديد وحصرى مع تحيات تيم معاك

انضم إلى المنتدى ، فالأمر سريع وسهل

MA3AKCAFE

عزيزى الزائر.....نرجو منك الدخول وسرعة التسجيل لكى تتمتع بكل ماهو جديد وحصرى مع تحيات تيم معاك

MA3AKCAFE

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
MA3AKCAFE

أجدد الأفلام الأجنبية من السينما إليك مباشرة

كل عام وكل اعضاء معاك كافى بخير رمضان كريم ...بمناسبه شهر مضان سيتم اعلان اقسام رمضانيه جديده ستكون متاحه طوال فتره الشهر الكريم ..وسيتم اعلان مشرفين جدد .. واتمنى التوفيق للجميع .... تيم معاك
"تو بي أور نوت تو بي" عربي ولا إنجليزي!! Qn20wg

4 مشترك

    "تو بي أور نوت تو بي" عربي ولا إنجليزي!!

    HETTLER
    HETTLER
    TEAM MA3AK
    TEAM MA3AK


    ذكر عدد الرسائل : 3228
    العمر : 35
    الموقع : www.Ma3akCafe2.com
    اعلام الدول : "تو بي أور نوت تو بي" عربي ولا إنجليزي!! 3dflag10
    المود : "تو بي أور نوت تو بي" عربي ولا إنجليزي!! Hacker10
    نقاط : 15711
    تاريخ التسجيل : 20/04/2008

    "تو بي أور نوت تو بي" عربي ولا إنجليزي!! Empty "تو بي أور نوت تو بي" عربي ولا إنجليزي!!

    مُساهمة من طرف HETTLER الأربعاء يوليو 07, 2010 12:23 am


    "تو بي أور نوت تو بي" عربي ولا إنجليزي!! 3

    اليوم سنقوم بتشغيل عقولنا ونفكر معاً، وحتى نقوم بذلك، علينا أن نجيب
    عن بعض الأسئلة أولاً، والآن أخبرنا هل تذكر كلمات كثيرة بالإنجليزية أو أي
    لغة أجنبية أخرى في وسط كلامك؟؟

    أو أخبرنا عندما تختار ملابسك هل
    تقوم بشراء تشيرتات وباديهات مكتوب عليها كلمات بلغات أجنبية؟

    إذا
    كان لديك أولاد هل ستُدخلهم مدارس عربي وحكومية، أم ستُدخلهم مدارس دولية
    أجنبية؟

    بلاش دُول..

    عندما تخرج مع أصدقائك، بتروح فين؟
    بتروح "ماك" و"سيلانترو" و"كوستا"، ولا بتروح "كشري التحرير" و"جاد"
    و"يامال الشام"؟

    سيبك من ده كله وأخبرنا.. لو ربنا فتحها عليك وقررت
    تفتح محل، يا ترى هتسميه إيه؟ هتسميه "علي نمط الكرابيكي" و"المتحجبة"
    و"سمير وعلي" و"العزبي"، ولا "تشانس" و"شاتو" و"إم & إم" و"جولدن مان
    هاوس"؟!!

    آخر حاجة.. آخر ما نريده هو إرهاقك معنا، قل لنا اسمك في
    "الأكّونت" بتاعك على الفيس بوك أو اسمك على الماسينجر أو حتى لو بتشارك في
    منتديات.. أسماءك فيها بتبقى إيه؟؟ عربي ولا أجنبي؟



    أجبت عن الأسئلة السابقة؟! إذن اتركها الآن
    وتعالَ نفكّر فيما سيأتي





    "تو بي أور نوت تو بي" عربي ولا إنجليزي!! 2

    شايف إن اسم "سيلفرستون"
    أفضل وأشيك من "الحجر الفضي"!!

    عندما يصلك "إيميل" يدعوك لمقاطعة المنتجات
    الأمريكية أو الدنماركية أو غيرها بترسله كرسالة فوروارد لأصحابك؟ وعندما
    تصلك دعوة لجروب مقاطعة أو جروب بيعترض على تصرفات الغرب، بترسل دعوات
    للانضمام للجروب لمن تعرفهم على الفيس بوك؟ والأكثر أهمية، وأنت بترسل
    دعوات للجروبات وإيميلات الاعتراض بترسلها من "أكّونت" بالعربي ولا
    بالإنجليزي؟

    ورأيك إيه عندما تدخل محلا وتجد اسمه مكتوبا
    بالإنجليزية وتجده يضع فوق جدرانه عشرات الملصقات التي تصبّ الغضب على
    الغرب؟

    والآن بعد إجابتك عن الأسئلة السابقة نقدر نبدأ نفكّر سوا..
    إذا كنت ممن يضعون بين كل كلمتين عربي واحدة إنجليزي، وإذا كنت تنوي طبعاً
    إدخال أولادك مدارس دولية، وإذا كان دولابك ممتلئاً بتيشرتات أو باديهات
    مكتوب عليها كلمات بكل لغات العالم، وفي أحيان كثيرة لا تعرف حتى معنى
    الكلمات المكتوبة، وإذا كنت تفضّل "ستارباكس" على "قهوة الحلمية"، وإذا كنت
    شايف إن اسم "سيلفرستون" أفضل وأشيك من "الحجر الفضي".. وبجانب كل هذا تجد
    نفسك نشطاً على الإيميل والفيس بوك، وبترسل العشرات من دعاوى المقاطعة
    وتصبّ غضبك على دول الغرب وتتهمها بكل التهم من اضطهاد العرب لحد
    الازدواجية.

    لاحظ أننا لا نتكلم على نقل علم أو ثقافة أو اختراعات
    من الغرب؛ فهذه النوعية من النقل لها معايير مختلفة، نحن نتكلم عن تقليد
    العادات وتقليد أسلوب الحياة من مأكل إلى طريقة ارتداء ملابس إلى طريقة
    معيشة بتقلّد فيها أناس تقوم بانتقادهم في كل تصرفاتهم وتقول إنك تكرههم..
    طب تيجي إزاي دي؟!

    إحنا اتفقنا إننا هنفكّر مع بعض، ولذلك تعالَ
    نعدّد، يا ترى إيه هي أسباب التناقض الحاصل ده؟


    "تو بي أور نوت تو بي" عربي ولا إنجليزي!! Main-pic

    كلنا نعلم حال عالمنا العربي ومدى تراجعه
    في كل شيء حتى ردود أفعاله

    خجلان من هويتك
    العربية وحاسس إنك ضعيف..
    بص يا سيدي.. كلنا نعلم حال عالمنا
    العربي ومدى تراجعه في كل شيء، حتى ردود أفعاله أصبحت ضعيفة على كل قضاياه
    العادية منها والمهمة وحتى المصيرية، تفتكر الشاب الذي يقوم بتقليد الغرب
    في طريقة حياته، خجلان من حقيقة كونه عربي؟

    ومن إنه بينتمي لأمة
    أصبحت في ذيل الأمم، وبتقليده للغرب بيشعر إنه منتمي -ولو شكلاً- لكيان
    قوي، بيستمد قوّته منه؟

    هو في الحقيقة بيقترب من هذا الكيان القوي
    لأنه بيعوّضه -ولو في الخيال- عن ضعف الواقع الذي يعيش به، وفي نفس الوقت
    فهو يكره نفس الكيان القوي؛ لأنه أحد مسببات هذا الواقع الضعيف.

    وهكذا
    يجد ذاته في حالة تناقض بين صورة المثل الأعلى الذي يحلم به، وكون هذا
    المثل هو عدوه المفترض أن يحاربه لكي تتحسن حياته في الواقع.

    من
    الآخر.. هذا الشاب يحاول بتقليده للغرب تسكين آلامه التي سببها ضعف أمته
    العربية التي ينتمي لها، ولهذا يتنصل من هويته كعربي ويبحث عن هوية أخرى لا
    تُؤلمه.



    "تو بي أور نوت تو بي" عربي ولا إنجليزي!! 4_0

    العالم كله أصبح قرية صغيرة ولم يعد هناك ما
    يسمى بعادات أو تقاليد


    العالم قرية صغيرة
    والثقافة السائدة هي ما ينتشر
    من الممكن أن يقوم هذا الشاب بهذه
    التصرفات؛ لأنه لا يشعر من الأصل أن الغرب مكان غريب عليه أو أن هذا الغرب
    يمثّل له الآخر، وإذا سألته سيخبرك أننا في عصر العولمة والسماوات
    المفتوحة، والعالم كله أصبح قرية صغيرة، ولم يعد هناك ما يسمى بعادات أو
    تقاليد بتميز مكان معين عن غيره.

    وأن الشاب في مصر مثل الشاب في
    أمريكا مثل الشاب في السعودية أو إنجلترا أو اليابان، كلهم شباب يرتدون ذات
    الملابس، ويحبون ذات الأكلات ويسمعون ذات الأغاني.

    طبعاً هذا الشاب
    يشعر دلوقتي إننا مبالغين وبنكبّر الموضوع.. وإن الحياة "بيس يا مان"
    و"كبّر دماغك" "وما تاخدش الأمور قفش"، و"بطل أفكار الستينات والقومية
    العربية اللي أنت عايش فيها دي"..

    هو يرى أن أصدقاءه على الفيس بوك
    أو تويتر هم في النهاية أصدقاؤه فقط، كلهم يفكّرون بلغة عالمية واحدة هي
    لغة الشباب.

    أما إرسال الإيميلات والجروبات وغيرها؛ فهذه مشاركة في
    العمل العام، وطبعاً سيُنهي حديثه بألا نخلط الأوراق، وأن الحياة العادية
    شيء والسياسة شيء آخر.

    ولكن هل سأل ذاته: ما دامت الحياة بهذه
    السهولة وكلنا واحد، لماذا لم يقلّدنا الغرب ويأخذ من عاداتنا مثلما يقوم
    هو بتقليده؟!


    "تو بي أور نوت تو بي" عربي ولا إنجليزي!! 5_0

    الشباب غيّر من شكله ولغته وملابسه ونقلهم لطبقة أخرى


    خليك كول وروش واستايل
    وما تبقاش بيئة
    هذا هو النوع الثالث من الشباب الذي يقع في هذا
    التناقض؛ فهو يرى أن الكلام بالعربي أصبح دقة قديمة، ولا يستخدمه سوى الناس
    البيئة، وأن الناس الاستايل، جميعهم يتكلمون الإنجليزية مع إدخال بضع
    كلمات عربية فقط بها.

    وأن هذا الشخص الراقي حتى عندما يتكلم مع شخص
    عربي مثله على الشات على سبيل المثال يتكلم معه بالإنجليزية أو على أقل
    تقدير يتكلمان بطريقة "فرانكو أراب".

    وطبعاً تجده فجأة توقّف في
    منتصف حديثه معك وأخذ يفكّر بصعوبة ويعصر عقله للبحث عن معنى كلمة بالعربي،
    وكأن اللغة الأجنبية هي لغته الأم، وهو يريد فقط أن يوصل لك معنى ما يقول
    بلغتك.

    هذا الشاب يشعر بأن مثل هذه الحركات تعطيه مكانة وبرستيجاً
    أعلى، وأنها تنقله لطبقة اجتماعية أرفع، وأنه بهذا الكلام أصبح من الطبقة
    "الكلاس".

    الفكرة هنا أن هذا الشاب غيّر من شكله ولغته وملابسه
    ونقلهم لطبقة أخرى؛ لكنه لم يغيّر من فكره، في النهاية هو شاب عربي يتأثر
    بكل ما يراه يحدث للعرب، ولهذا تجده، يرسل العشرات من الإيميلات وينشر
    جروبات، من واقع إيمانه بالفعل بقضية عالمه العربي؛ ولكنه يريد أن يكون
    "عربي إستايل"..

    والظريف أنك تجده على سبيل المثال شاباً يرتدي
    ملابس غربيّة الطراز ويتكلم بلغة ولهجة غربيّة ويتصرف بنمط غربي تماماً في
    كافة الأمور، ثم تجده يقف لينتقد شاباً خليجياً لكونه بمجرد أن وصل مصر،
    خلع الجلباب والغترة وارتدى الجينز والتيشيرت.

    الحقيقة أنه هو وهذا
    الشاب الخليجي لا يفرقان شيئاً عن بعضهما البعض؛ فالاثنان تنازلاً عن
    هويتهما وتنصلا منها.. وفي النهاية فهما الاثنان يرتديان نفس "الجينز"
    المكتوب عليه "صُنع في الغرب"..



    والآن



    وبعد أن فكّرنا في كل أنماط الشباب الذين يقومون بذلك
    ووضّحنا كل أسبابهم..



    خليك صريح مع نفسك قبل ما تكون صريح معانا..

    وقل لنا إنت بتعمل الحاجات دي أو منتمي لأي نوع
    من الشباب دول؟



    ويا ترى إنت شايف إن ده طبيعي ولا ده طمس للهوية
    العربية؟



    لو شايف إن ده طبيعي.. مش حاسس إن فيه تناقض من
    إنك تقلّد ناس وتكرههم في نفس الوقت؟



    لو ده مش طبيعي يا ترى متفق معانا في الأسباب
    اللي عرضناها ولا عندك أسباب تانية؟


    وتفتكر إيه الحل؟
    عصفوره الجنه
    عصفوره الجنه
    معاك متحصن
    معاك متحصن


    انثى عدد الرسائل : 1014
    العمر : 32
    المزاج : الحمد لله تمام
    اعلام الدول : "تو بي أور نوت تو بي" عربي ولا إنجليزي!! 3dflag23
    المود : "تو بي أور نوت تو بي" عربي ولا إنجليزي!! 453210
    نقاط : 11765
    تاريخ التسجيل : 14/03/2010

    "تو بي أور نوت تو بي" عربي ولا إنجليزي!! Empty رد: "تو بي أور نوت تو بي" عربي ولا إنجليزي!!

    مُساهمة من طرف عصفوره الجنه الأحد يوليو 11, 2010 11:43 pm

    انا قرات الموضوع كله وبصراحه هو دا الى موجود بين الشباب الوقتى

    سواء فى لبس او قصات شعر او كلام

    والله حتى الاطفال يقولك انا عايز التيشرت المرسوم عليه المصارع الفولانى او مكتوب عليه كذا

    ودا كله تقليد ليهم
    عشان يكون واد كاجول كده وعاجب الناس الى حوله

    وتسلم يا هتلر على التوبيك

    تقبل مرورى
    HETTLER
    HETTLER
    TEAM MA3AK
    TEAM MA3AK


    ذكر عدد الرسائل : 3228
    العمر : 35
    الموقع : www.Ma3akCafe2.com
    اعلام الدول : "تو بي أور نوت تو بي" عربي ولا إنجليزي!! 3dflag10
    المود : "تو بي أور نوت تو بي" عربي ولا إنجليزي!! Hacker10
    نقاط : 15711
    تاريخ التسجيل : 20/04/2008

    "تو بي أور نوت تو بي" عربي ولا إنجليزي!! Empty رد: "تو بي أور نوت تو بي" عربي ولا إنجليزي!!

    مُساهمة من طرف HETTLER الإثنين يوليو 12, 2010 1:29 am

    مرورك فوق الراس يا عصفوره ومعاكى حق فى كلامك واتمنى ان التوبيك يعجب الجميع
    WEKA
    WEKA
    معاك كبير قوى
    معاك كبير قوى


    ذكر عدد الرسائل : 843
    العمر : 32
    الموقع : دكرنس -شارع مجلس المدينه
    العمل/الترفيه : ربنا يسهل
    المزاج : مهيس
    اعلام الدول : "تو بي أور نوت تو بي" عربي ولا إنجليزي!! 3dflag23
    المود : "تو بي أور نوت تو بي" عربي ولا إنجليزي!! 2610
    نقاط : 11770
    تاريخ التسجيل : 23/07/2009

    "تو بي أور نوت تو بي" عربي ولا إنجليزي!! Empty رد: "تو بي أور نوت تو بي" عربي ولا إنجليزي!!

    مُساهمة من طرف WEKA الثلاثاء يوليو 13, 2010 5:40 pm

    بس هو الموضوع جميل جدا ومهم اوى
    لكن حرام عليك ابقى قسم التوبك وارحم الناس الى بتقرأ
    pooh
    pooh
    معاك كبير
    معاك كبير


    انثى عدد الرسائل : 358
    العمر : 34
    المزاج : ما أعظم أن تكون غائباً حاضر ؛عن أن تكون حاضراً غائب
    اعلام الدول : "تو بي أور نوت تو بي" عربي ولا إنجليزي!! 3dflag10
    المود : "تو بي أور نوت تو بي" عربي ولا إنجليزي!! 110
    نقاط : 10576
    تاريخ التسجيل : 14/04/2010

    "تو بي أور نوت تو بي" عربي ولا إنجليزي!! Empty رد: "تو بي أور نوت تو بي" عربي ولا إنجليزي!!

    مُساهمة من طرف pooh الثلاثاء يوليو 13, 2010 10:18 pm

    توبيك حلو كتير هتلر
    بس بعد إذنك هاخد مساحة كبيرة شوية فى الرد

    **لو هنتكلم دلوقتى ع تقليد الغرب
    فلاحظ إنك فصلت الأشياء عن بعضها
    الناس بتخلط كلمات أجنبية فى كلمات عربية
    لأن دلوقتى اللغة الأم أصبحت اللغة الأجنبية
    ومتهيألى إن ده بقى شرط أساسى فى تقديم لوظيفة ذات مركز مرموق
    اللغة الأجنبية خلاص لازم تدرسها فى الحضانة
    وطبعا اللغة العربية بالنسبة للغرب بتكون إختيارى لو حابب يدرسها مش إجبارى زينا
    فأصبح دلوقتى إننا لازم نشيل ذنب الشئ ده من ع الشباب...ولا إيه؟!

    **الكمبيوتر عندك شغال إيه عربى ولا إنجليزى؟!
    أكيد إنجليزى...يعنى بنكتسب مصطلحات من الكمبيوتر.

    **كورس الicdl بتدرسه إزاى؟!
    ممكن عربى وممكن إنجليزى ويفضل إنجليزى لأن إمتحاناته إنجليزى.

    **المنتدى هنا بنكتبه إيه؟!
    [ندعوك للتسجيل في المنتدى أو التعريف بنفسك لمعاينة هذا الرابط]
    ولا [ندعوك للتسجيل في المنتدى أو التعريف بنفسك لمعاينة هذا الرابط] كافيه.com .. (مقلوب فى الكتابة كده بغض النظر)
    أكيد الإختيار الأول.

    **الجزئيات اللى فاتت مش تقليد للغرب فى حاجة
    بالعكس أنا بمد نفسى باللى يفيدنى باللى بيساير العصر اللى أنا فيه.

    **لكن بالنسبة لإستايل الشعر واللبس والسجاير والشيشة ... إلخ
    فده تقليد شديد لعادات الغرب
    والغلط ع الشباب اللى فاهم إن ده موضة وكلام فاضى من ده
    وإنه لازم يساير العصر فى الأشياء دى
    وبرضه فى جزء ع الأهل لأن لازم يكون فى رقابة منهم.

    **ومفيش حد ينكر بالذات الولاد إنهم بيدورا ع الماركة فى اللبس
    من أول التى شيرت لحد الشوز (وع فكرة لو كنت قلت جذمة بدل شوز كان كتير هيتريق عليها)
    عشان تعرفوا برضه إننا بنعلق ع الكلام وأنا منكرش إنى كده
    بس مش لدرجة التريقة والتعليق الفظيع لأ لمجرد إنى أعمل منكش مع صحابى مش أكتر.

    **فإذا كان ده بداية طمس للهوية العربية
    فدى بداية سريعة جداً
    لأن كفاية إن مواردنا الأساسية أغلبها مستورد.

    توبيك كان لابد منه ومجهود حلو جدا
    تسلم الأيادى هتلر
    وآسفة للإطالة

      مواضيع مماثلة

      -

      الوقت/التاريخ الآن هو الخميس مارس 28, 2024 11:22 pm