MA3AKCAFE

عزيزى الزائر.....نرجو منك الدخول وسرعة التسجيل لكى تتمتع بكل ماهو جديد وحصرى مع تحيات تيم معاك

انضم إلى المنتدى ، فالأمر سريع وسهل

MA3AKCAFE

عزيزى الزائر.....نرجو منك الدخول وسرعة التسجيل لكى تتمتع بكل ماهو جديد وحصرى مع تحيات تيم معاك

MA3AKCAFE

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
MA3AKCAFE

أجدد الأفلام الأجنبية من السينما إليك مباشرة

كل عام وكل اعضاء معاك كافى بخير رمضان كريم ...بمناسبه شهر مضان سيتم اعلان اقسام رمضانيه جديده ستكون متاحه طوال فتره الشهر الكريم ..وسيتم اعلان مشرفين جدد .. واتمنى التوفيق للجميع .... تيم معاك
كيف تتكلم مع الناس؟؟, حقيقي يستاهل أنك تقرأه Qn20wg

2 مشترك

    كيف تتكلم مع الناس؟؟, حقيقي يستاهل أنك تقرأه

    عصفوره الجنه
    عصفوره الجنه
    معاك متحصن
    معاك متحصن


    انثى عدد الرسائل : 1014
    العمر : 32
    المزاج : الحمد لله تمام
    اعلام الدول : كيف تتكلم مع الناس؟؟, حقيقي يستاهل أنك تقرأه 3dflag23
    المود : كيف تتكلم مع الناس؟؟, حقيقي يستاهل أنك تقرأه 453210
    نقاط : 11767
    تاريخ التسجيل : 14/03/2010

    كيف تتكلم مع الناس؟؟, حقيقي يستاهل أنك تقرأه Empty كيف تتكلم مع الناس؟؟, حقيقي يستاهل أنك تقرأه

    مُساهمة من طرف عصفوره الجنه الخميس يوليو 29, 2010 11:19 am

    بسم الله الرحمن الرحيم





    منقوووول




    كتابة/ د.شريف عرفه



    عمرك لاقيت إنك مش عارف تتواصل مع حد معين؟؟ رغم إنك فعلا عايز تكلمه؟
    لاقيت مرة واحد مابتحبش تتكلم معاه خالص؟؟ كده لله في لله؟؟
    هل مرة لاقيت إنك مش عارف تبيع سلعتك للزبون بتاعك رغم إنك حاولت بكل
    إخلاص؟
    أكيد أيوه.. مش كده؟
    طيب.. هنتكلم النهارده عن حاجة من الحاجات اللي هتفيدك في التواصل مع
    الناس بصورة أفضل.. والحاجة دي اسمها (التحدث بإيجابية)..
    في البداية عايز أوضح لك حاجة مهمة جدا عن عقلنا اللاواعي..

    هنعرفها من المثال الصغير ده:

    هاقول لك جملتين عايزك تركز فيهم قوي وتنفذ اللي فيهم:
    ماتفكرش في وردة حمراء!!
    ها ها ها.. ينفع؟ طيب خد دي كده:
    ماتتخيلش سيارة سوداء!!
    ها؟ خدت بالك من اللي حصل ده؟؟ أكيد أكيد فكرت لا إراديا في الوردة
    الحمراء وفي السيارة السوداء كمان..

    إيه اللي حصل ده؟
    اللي حصل يا جماعة إن العقل اللاواعي بتاعنا مابيسمعش الكلام قوي..
    ببساطة بياخد الجملة ويقعد يفكر فيها كلمة كلمة عشان يقدر يستوعبها..
    فعشان تفهم الجملتين اللي فاتوا كان لازم العقل اللاواعي بتاعك يتخيل
    الوردة والسيارة السوداء!

    يعني إيه؟؟ يعني لو عايز أأثر على العقل اللاواعي للشخص اللي باتكلم
    معاه, ومش عايزه يفكر في وردة حمراء.. يبقى لازم الجملة مايبقاش فيها
    وردة حمراء.. صح كده؟؟
    طبعا المسألة مش مسألة وردة حمراء وسيارة سوداء..
    عشان تفهم قصدي اقرا الأمثلة دي:

    البائع: الأسعار بتاعتنا مش غالية.. احنا مش حرامية ونصابين!
    الجملة دي غلط تماما وهتأثر في اللاشعور بتاع الزبون.. هيلاقي نفسه
    ببساطة (مش مستريح) للصفقة دي, ومش لازم يكون عارف ليه.. لكن احنا
    عارفين طبعا..
    جملة (مش غالية) دي هيركز اللاشعور على كلمة (غالية) لا إراديا..
    والجملة التانية (احنا مش حرامية ونصابين) هيفهم منها إنهم (حرامية
    ونصابين)!
    يبقى المفروض البائع يقول مثلا: أسعارنا مناسبة جدا.. احنا يهمنا ثقة
    العملاء!

    نفهم من كده إيه؟؟
    نفهم إن إنت لو عايز تأثر في اللي قدامك بحاجة, يبقى لازم تستخدم
    الكلمات الإيجابية المناسبة اللي تخلق جو من الراحة في نفسه.. زي
    (رائعة) و(ثقة) في المثال اللي فات... واهرب من الكلمات السلبية زي
    (غالية) و(حرامية ونصابين) حتى لو نفيتها.. زي ما عرفنا مع بعض..

    الطبيب: ماتخافش.. الحقنة مش بتوجع خالص.
    هه.. إيه رأيك في المثال ده؟؟
    يلاّ مع بعض نطلع الكلمات السلبية:
    أول كلمة سلبية هي: (ماتخافش).. دي هتخليه يخاف أصلا لأننا ذكرنا
    الخوف..
    ثاني كلمة سلبية هي: (مش بتوجع).. دي هتخليه يتخيل الألم والوجع..
    يبقى المفروض يقولها ازاي؟؟
    الطبيب: اطمئن.. هتحس براحة بعد ثواني! (ملاحظ إننا ماذكرناش كلمة
    "حقنة" أصلا؟)
    (ملحوظة: كتجربة شخصية, لكل الأطباء اللي بيقروا الموضوع ده.. التكنيك
    ده أفادني كتير جدا -كطبيب أسنان- في إقناع المريض بأخذ الحقنة.. تجنب
    الكلمات السلبية زي: ماتخافش- ماتقلقش– زي شكة الدبوس... كلمه يا
    دكتور عن الراحة والشفاء وإن حقنة البنج مريحة لأنها حقنة بنج أساسا..
    خدت بالك؟ ببساطة لأن هي دي الحقيقة, بس المهم هنوصلها له بأي
    طريقة؟).

    البنت لخطيبها: ماتقلقش يا حبيبي.. عمري ما هاخونك أو أكرهك!!!

    طبعا كلنا حسينا بصدمة من الكلام ده.. لكن احنا عرفنا ليه.. عشان
    الكلمات السلبية زي: ماتقلقش- هاخونك – أكرهك!!!

    المفروض الجملة دي تتقال كده:
    البنت لخطيبها: اطمئن يا حبيبي.. أنا مخلصة لحبنا وهافضل أحبك على
    طول!!
    شايف الجمال اللي في المعنى؟؟ مع إننا ممكن نلاحظ ببساطة إن الجملتين
    لهم نفس المعنى...
    نستفيد من الكلام ده إيه بقى؟؟

    نخش على الحكمة بتاعة التهاردة:

    مهم جدا معنى الكلام الذي نقوله.. والأهم هو: كيف نقول هذا المعنى..
    استخدم كلمات إيجابية دائما في حياتك.. ولاحظ الفرق الذي سيحدث في
    علاقاتك مع الناس..
    واعرف الحقيقة دي.. الناس اللي بيستخدموا كلمات سلبية كتير في كلامهم,
    الناس بتبتعد عنهم ومش بتحب تتكلم معاهم.. افتكر حد مش بتحب تتكلم
    معاه.. يا ترى إيه السبب؟؟ بيشتكي دايما من الظروف؟ بيشتم كتير؟ بيثير
    الإحباط؟؟ ركز في كلامه هتلاقي الكلمات اللي قلنا عليها.. الكلمات
    (السلبية)..

    على عكس الناس اللي الناس بتحب تتكلم معاهم.. فكر في واحد بتحب تتكلم
    معاه وبتستمتع بكده.. مبتسم؟ متفائل؟ بيهون على الناس اللي حواليه
    مشاكل الحياة؟ ركز في كلامه هتلاقي الكلمات اللي بنقول عليها: الكلمات
    (الإيجابية)..
    قبل ما نختم بقى تعالوا نلعب لعبة:

    اختار الجمل والكلمات الإيجابية اللي توصل المعنى بصورة صحيحة, وحط
    قدامها علامه (صح).

    أنا مش عبيط.. أنا فاهم كل حاجة صح غلط

    خليك ذكي وركز معايا.. صح غلط

    الجو النهارده كويس.. صح غلط

    يا باشا البضاعة بتاعتي مش بتعفن بسرعة! صح غلط

    ماتقلقش.. الموضوع بسيط! صح غلط

    هابطل السجاير,
    واكون إنسان جديد! صح غلط

    البارفان ده ريحته مش وحشة خالص.. بالعكس! صح غلط

    ماتفتكرش إن صحتي راحت.. أنا زي الفل! صح غلط

    مش هاخذلك يا معلم! صح غلط

    أنا إرادتي قوية جدا.. ثق في كده! صح غلط

    ماتبقاش غبي
    يا بني.. فتح مخك معايا! صح غلط

    أحبك! صح غلط

    طبعا حليت الواجب كله لوحدي.. إنت فاكرني باكدب؟ صح غلط


    كفاية كده؟؟
    حلها بقى بروقان واعرف إنت بقيت متحدث إيجابي ولا لأ.. مرن نفسك من
    النهارده على إن كلامك يكون إيجابي.. ولاحظ الفرق اللي هيحصل في
    حياتك...
    ماشي يا جماعة.. حط بقى مرادفات (إيجابية) للجمل (السلبية) اللي فاتت
    لو حبيت.... وورينا شطارتك يا بطل..

    ولا تنسوني بالدعاء
    WEKA
    WEKA
    معاك كبير قوى
    معاك كبير قوى


    ذكر عدد الرسائل : 843
    العمر : 32
    الموقع : دكرنس -شارع مجلس المدينه
    العمل/الترفيه : ربنا يسهل
    المزاج : مهيس
    اعلام الدول : كيف تتكلم مع الناس؟؟, حقيقي يستاهل أنك تقرأه 3dflag23
    المود : كيف تتكلم مع الناس؟؟, حقيقي يستاهل أنك تقرأه 2610
    نقاط : 11772
    تاريخ التسجيل : 23/07/2009

    كيف تتكلم مع الناس؟؟, حقيقي يستاهل أنك تقرأه Empty رد: كيف تتكلم مع الناس؟؟, حقيقي يستاهل أنك تقرأه

    مُساهمة من طرف WEKA الجمعة يوليو 30, 2010 3:36 pm

    حلو جدا انك تبقى ايجابى لان العقل الواعى بتاع الانسان الى قدامك لا يستطيع ان يتقبل اكثر من معلومتين فى الثانيه الواحده وهما اخر معلومتين
    يعنى لو قلتله ماتخافش.. الحقنة مش بتوجع خالص. هو بيمسك اخر كلمتين ويفكر فيهم الى هما بتوجع خالص
    لكن بالعكس العقل الواعى يستطيع استيعاب 7معلومات موجب او سالب 2 يعنى من الاحسن انك تتكلم ايجابى علشان تجذب العقل الواعى والاواعى
    عصفوره الجنه
    عصفوره الجنه
    معاك متحصن
    معاك متحصن


    انثى عدد الرسائل : 1014
    العمر : 32
    المزاج : الحمد لله تمام
    اعلام الدول : كيف تتكلم مع الناس؟؟, حقيقي يستاهل أنك تقرأه 3dflag23
    المود : كيف تتكلم مع الناس؟؟, حقيقي يستاهل أنك تقرأه 453210
    نقاط : 11767
    تاريخ التسجيل : 14/03/2010

    كيف تتكلم مع الناس؟؟, حقيقي يستاهل أنك تقرأه Empty رد: كيف تتكلم مع الناس؟؟, حقيقي يستاهل أنك تقرأه

    مُساهمة من طرف عصفوره الجنه السبت يوليو 31, 2010 12:29 am

    تسلم ويكا على مرورك وردك الجميل

    نورت التوبيك

      مواضيع مماثلة

      -

      الوقت/التاريخ الآن هو الجمعة مارس 29, 2024 7:39 am