MA3AKCAFE

عزيزى الزائر.....نرجو منك الدخول وسرعة التسجيل لكى تتمتع بكل ماهو جديد وحصرى مع تحيات تيم معاك
MA3AKCAFE

أجدد الأفلام الأجنبية من السينما إليك مباشرة

كل عام وكل اعضاء معاك كافى بخير رمضان كريم ...بمناسبه شهر مضان سيتم اعلان اقسام رمضانيه جديده ستكون متاحه طوال فتره الشهر الكريم ..وسيتم اعلان مشرفين جدد .. واتمنى التوفيق للجميع .... تيم معاك

    بجد موضوع هام جدا..عانس أغوذ بلله

    شاطر

    HETTLER
    TEAM MA3AK
    TEAM MA3AK

    ذكر عدد الرسائل : 3228
    العمر : 28
    الموقع : www.Ma3akCafe2.com
    اعلام الدول :
    المود :
    نقاط : 10383
    تاريخ التسجيل : 20/04/2008

    بجد موضوع هام جدا..عانس أغوذ بلله

    مُساهمة من طرف HETTLER في الجمعة يوليو 11, 2008 6:40 pm


    عانس.. أعوذ بالله!







    *******
    نهار داخلي- صالة منزل مصري
    مدام "دلال" تجلس في الكرسي المقابل لجارتها القديمة "درية"، بعد أن أدّت واجب الضيافة، تبدأ "درية" بفتح الموضوع بطريقة غير مباشرة.
    درية: إلا هي فين "حنان" بنتك؟.. والله بقالي زمن ما شفتهاش..

    دلال: آه مع صاحباتها نزلوا يشتروا حاجات..

    درية: ويا ترى اتخطبت ولا اتجوزت.. اوعي تكوني ما عزمتنيش!

    دلال: وأنا أقدر برضه ده يوم المُنى يا حبيبتي.. بس أهو بقى لسه النصيب ما دقش الباب.. قعدت ترفض في ده وده وده.. لحد خلاص.. البنت اتعقدت كمان وحاسة إنها هتعيش عمرها كله وحدانية.. ما أنا مش هعيش لها على طول..

    تقاطعها درية: ما تقوليش كده، ربنا يخليكِ ليها وتفرحي بيها، وبعدين الحاجات دي قسمة ونصيب.. وبعدين على رأي المثل.. "قعدة الخزانة، ولا جوازة الندامة"..

    دلال: قسمة ونصيب ماشي ما اعترضناش، طيب وكلام الناس.. ولما يقولوا عليها بايرة ولا عانس.. ويا ريته على قد كده كنت سكت..

    درية "بنبرة قلقة": خير يا أختي كفى الله الشر؟

    دلال: خايفة لحد يتكلم عليها بالبطال.. يعني إيه اللي مانعها تتجوز لحد دلوقتي وهي زي القمر وحلوة إلا إذا كانت ماشية لها مع حد..

    درية بفزع: لا يا دلال ما تبشريش على البنية.. يتقطع لسانه اللي يقول كده.. إنتِ بتتوهمي!

    دلال: على أيامنا كانوا بيقولوا كده.. أمال هيقولوا إيه اليومين دول؟.. ينوبك ثواب يا درية إنتِ زي أختي والله ولولا كده ما كنت فاتحتك أبدًا في الموضوع.. أنا موصية أكتر من حد يجيب لها عريس.. أي عريس.. أي عريس.. مش مهم المؤهل ولا الكلام الماسخ اللي جابنا ورا ده.. المهم البنت تتستر وأفرح بيها بقى وماحدش يشمت فيّ..

    درية: والله إنتِ بنت حلال.. أنا كنت هافاتحك في الموضوع ده.. "فتحي" لسه جاي من الخليج وعايز يتجوز وبيدور على عروسة.. "فتحي" ابن أختي لو فاكراه.. معاه دبلوم صنايع بس بقى حاجة تانية.. بيقولوا له يا باشمهندس!

    دلال: وعنده كام سنة؟

    درية: مش كبير بتاع 35 سنة يعني قريب من سن "حنان".. هاتفق معاهم على الموضوع، ونحدد مَعَاد إن شاء الله.. ومبروك مقدماً يا حبيبتي

    دلال: الله يبارك فيكِ.. ربنا ما يوقعك في ضيقة أبداً.. خدي صورتها أهي!

    *******

    ليل داخلي- منزل أم "فتحي"

    بعد العشاء تحاول "أم فتحي" مفاتحته في موضوع العروسة "حنان" التي حدثتها عنها "درية" أختها..

    أم "فتحي": أخيرًا يا "فتحي" هنفرح بيك.. بنت الحلال اللي تستاهلك موجودة بس إنت تأشر..

    "فتحي" باهتمام: صحيح يا ماما؟ لقيتوها؟.. ويا ترى عندها كام سنة.. و..

    تقاطعه أمه: حيلك حيلك.. خالتك درية كلمتني عنها النهارده.. زي القمر ومعاها بكالوريوس علوم، يعني متعلمة تعليم عالي.. وسنها قريب من سنك يعني تناسبك..

    "فتحي" يعد على أصابعه بسذاجة ليحسب فارق السن": آه سنها قريب من سني يعني بالكتير عندها 20 - 22 سنة!

    أم "فتحي": فرق 15 سنة يا ابني!.. لا ده فرق 5 سنين بس وكام شهر..

    "فتحي" مندهشًا: نعم قصدك 29 سنة وحاجة؟.. يعني 30 سنة!.. يعني واحدة داس عليها المترو والقطر والنقل العام.. قولي كلام غير ده يا ماما!

    أم "فتحي": وفيها إيه يا ابني.. ربنا عرفوه بالعقل.. الحاجات دي نصيب.. ومش معنى إنها قعدت كل ده من غير جواز إنها وحشة.. دي بنت طيبة ومنكسرة ومعاها شهادة عالية.. وسنها قريب من سنك يعني تتجوز عيّلة تطلع عينك.. حتى شوف صورتها..

    يلتقط "فتحي" منها الصورة قائلاً: آه هي - الله الوكيل- حلوة.. بس ما تلزمنيش يا ماما.. دي عندها 30 سنة عارفة يعني ايه؟.. أنا بصراحة ما أقبلش أتجوز واحدة عشان بعد كده أعالجها!

    أم "فتحي": تعالجها ليه بعد الشر البنت زي الفل؟..

    "فتحي": السن له أحكام يا أم "فتحي".. دول 30 سنة يعني مؤبد + 5 سنين جُنح!.. طظ في شهادتها اللي أعلى من شهادتي.. بفلوسي اتجوز بنت السلطان.. دوري لي على بنت صغيورة لسه في جامعة، تدلعني، تعدل مزاجي.. مش أصوم أصوم وأفطر على حاجة جملي كده.. انسي الموضوع ده يا ماما!

    *******

    فيه ناس هتتنرفز وتطلع عفاريتها لما تسمع الكلام ده!
    بيتكلم إزاي الأخ اللي فوق ده.. الحكاية قسمة!
    جنح؟
    مؤبد؟
    جملي؟!!
    هي غدوة ولا جوازة؟
    مش يتجوز واحدة عاقلة قريبة من جيله وسنه؟؟..

    وناس تانية بيقولوا على أنفسهم واقعيين.. عايشين الواقع
    طبعًا من حقه يتجوز الصغيرة تدلعه.. مش واحدة عانس!
    وليه يتجوز بنت التلاتين لما تكون بنات العشرين "أكتر من الهم على القلب"؟
    وليه البنت قعدت لتلاتين سنة من غير عريس.. أكيد الحكاية فيها إنّ!

    البنات أنفسهم لما سألناهم عن الإحساس اللي ممكن يداهمهم لو وصلوا للثلاثين من غير زواج كانت إجاباتهم متباينة..
    "أكيد كل واحدة محتاجة لوجود "هو" في حياتها، وكذلك الأمر بالنسبة للراجل.. بس لو ماجاش يعني الدنيا تقف؟.. أكيد البنت لما تكون مستقلة مادياً وعندها شغل مش هتشغلها المشكلة لفترة.. بس أرجع وأقول انها هتفتقد هذا الوجود المهم.. المهم ما تأثرش عليها نظرة المجتمع وتقبل بأي عريس والسلام عشان تهرب"..
    بنت تانية كان لها رأي مختلف..
    "يا خبر.. بعد الشر بعد الشر.. أقعد من غير جواز.. أنا ممكن اتجوز واحد مش حابّاه ومش طايقاه.. عشان ما آخدش لقب عانس.. وبعدين إذا ما كانش هو حنيّن.. لما أجيب عيال هيعوضوني عن حنيته.. الوحدة وحشة.. قال عانس قال"!

    سيدة تزوجت بعد الثلاثين قالت:
    "كانوا الأول العرسان كتير.. الظابط والمهندس و... والدي كان بيرفض لأسباب كتير مش موضوعية.. فضل يرفض يرفض.. لحد خلاص ما قربت من عتبة التلاتين.. نوعية العرسان اختلفت.. اللي معاه إعدادية واللي واخد دبلوم.. ويمكن بعد كده اختفت كمان النوعية دي من العرسان.. لحد ما بقيت أتمنى أتجوز حد معاه دبلوم أو أقل مني تعليماً عشان قسوة الوحدة ونظرات الناس اللي ما بترحمش.. وأخيراً اتجوزت.. مُطلق.. وعنده ولد وبنت.. أرحم من إني أكون عانس.."

    إحصائيات العنوسة في الوطن العربي بحسب ما ذكرت (مجلة العلوم الاجتماعية) خطيرة.. لكن لنرَ الإحصائيات الخاصة بمصر الصادرة عن (المركز القومي للبحوث الاجتماعية والجنائية)
    "نسبة غير المتزوجين من الشباب من الجنسين بلغت بشكل عام حوالي 30%، وبالتحديد 29.7% للذكور، و28.4% للإناث"
    *******
    يا ترى إنت شايف الموضوع إزاي؟
    ممكن تتجوز واحدة عدّت الثلاثين؟..

    ويا ترى إنتِ كبنت
    شايفة إن الاستقلال المادي والنجاح العملي
    ممكن يشغلك عن الزواج

    ويخليكِ ما تاخديش في بالك من كلام الناس..
    عانس.. أو مش عانس؟؟

    ولا الموضوع مهما كان احتياج طبيعي للاستقرار العاطفي..

    وإن كل ما قربتِ من الثلاثين..
    كل ما خوفك من العنوسة زاد؟



    ابعتوا لنا.. مستنيين إيه؟؟









    the.legend
    مراقب معاك العام
    مراقب معاك العام

    ذكر عدد الرسائل : 780
    العمر : 24
    الموقع : http://www.ma3akcafe.com
    المزاج : we can't hate who we love so much
    اعلام الدول :
    المود :
    نقاط : 6599
    تاريخ التسجيل : 20/04/2008

    رد: بجد موضوع هام جدا..عانس أغوذ بلله

    مُساهمة من طرف the.legend في السبت نوفمبر 22, 2008 12:22 pm

    جميل التويك دا يا هتلور
    مشكور يا مان
    ويجعلو عامر

    HETTLER
    TEAM MA3AK
    TEAM MA3AK

    ذكر عدد الرسائل : 3228
    العمر : 28
    الموقع : www.Ma3akCafe2.com
    اعلام الدول :
    المود :
    نقاط : 10383
    تاريخ التسجيل : 20/04/2008

    رد: بجد موضوع هام جدا..عانس أغوذ بلله

    مُساهمة من طرف HETTLER في الثلاثاء ديسمبر 02, 2008 8:23 pm

    تسلم يا صاحبى وربنا يخليك على متابعتك دى




    deadheart
    مشرف معاك العام
    مشرف معاك العام

    انثى عدد الرسائل : 1089
    العمر : 28
    الموقع : www.ma3akcafe2.com
    العمل/الترفيه : DEAD
    المزاج : عندما لا نبكى على أحزاننا..فهذا لا يعنى أننا فقدنا الإحساس..بل أحزاننا كثرت علينا..فلم نجد دموعاً تعادلها..فاكتفينا بالصمت
    اعلام الدول :
    المود :
    نقاط : 6308
    تاريخ التسجيل : 02/09/2008

    رد: بجد موضوع هام جدا..عانس أغوذ بلله

    مُساهمة من طرف deadheart في الثلاثاء ديسمبر 02, 2008 10:47 pm

    بجد مشكور يا هتلر على الموضوع ده
    بس مش دايما الاستقرار المادى والشغل يشغل عن الاستقرار العاطفى
    وبرضه مش دايما الانسان بياخد بكلام الناس
    لانه لو اتاخد بيه دايما الانسان كده عمره ما هيتقدم
    ولا ايه يا مان؟؟؟؟؟؟؟؟؟ Question Exclamation

    HETTLER
    TEAM MA3AK
    TEAM MA3AK

    ذكر عدد الرسائل : 3228
    العمر : 28
    الموقع : www.Ma3akCafe2.com
    اعلام الدول :
    المود :
    نقاط : 10383
    تاريخ التسجيل : 20/04/2008

    رد: بجد موضوع هام جدا..عانس أغوذ بلله

    مُساهمة من طرف HETTLER في الخميس ديسمبر 04, 2008 10:40 pm

    ماشى مش ناخد بكلام الناس بس الحب مش هيأكلنا ولا هيفتح بيت


    لازم برضه بجانب الحب انك تعمل حسابك مديا


    وتسلمى على ردك ومروك يا قمر




    deadheart
    مشرف معاك العام
    مشرف معاك العام

    انثى عدد الرسائل : 1089
    العمر : 28
    الموقع : www.ma3akcafe2.com
    العمل/الترفيه : DEAD
    المزاج : عندما لا نبكى على أحزاننا..فهذا لا يعنى أننا فقدنا الإحساس..بل أحزاننا كثرت علينا..فلم نجد دموعاً تعادلها..فاكتفينا بالصمت
    اعلام الدول :
    المود :
    نقاط : 6308
    تاريخ التسجيل : 02/09/2008

    رد: بجد موضوع هام جدا..عانس أغوذ بلله

    مُساهمة من طرف deadheart في الجمعة ديسمبر 05, 2008 12:58 am

    اولا ميرسى على كلامك يا هتلور
    بس انت ممكن تكون فهمت كلامى غلط
    انا بقولك ان الحياه الماديه والشغل مش دايما بيشغلوا عن الاستقرار العاطفى
    بل بالعكس فى ناس ناجحه جدا فى حياتها ودافعها كان الحب
    وغير كده كمان احنا ليه بنعلق كسلنا على شماعه الحب والظروف والكلام ده
    ما دام الانسان حاطط هدف معين قدامه بيوصل ليه ومفيش حاجه بتقدر تمنعه
    وبرضه هقول الاختلاف فى الرأى لا يفسد للود قضيه
    وان شاء الله هستنى ردك على كلامى
    وتقبل مرورى وياريت متزعلش من كلامى

    HETTLER
    TEAM MA3AK
    TEAM MA3AK

    ذكر عدد الرسائل : 3228
    العمر : 28
    الموقع : www.Ma3akCafe2.com
    اعلام الدول :
    المود :
    نقاط : 10383
    تاريخ التسجيل : 20/04/2008

    رد: بجد موضوع هام جدا..عانس أغوذ بلله

    مُساهمة من طرف HETTLER في الجمعة ديسمبر 05, 2008 5:18 pm

    لا طبعا زعل ايه بس متقوليش كدا انا اللى فهمت غلط واسف

    وانا معاكى فى رأيك دا جميل وتسلمى على مناقشتك




    السعودى
    أعضاء متميزه
    أعضاء متميزه

    ذكر عدد الرسائل : 1285
    العمر : 28
    الموقع : www.ma3akcafe2.com
    العمل/الترفيه : صايع و بدور ع شغل
    المزاج : &; طــــــالـــــب &; قـــــرش &; حشـــيـــش &;
    اعلام الدول :
    المود :
    نقاط : 7073
    تاريخ التسجيل : 11/12/2008

    رد: بجد موضوع هام جدا..عانس أغوذ بلله

    مُساهمة من طرف السعودى في الأحد مارس 22, 2009 4:22 pm

    تسلم ايدك على التوبيك الجميل

    يا هتلر


    تحياتى /

      الوقت/التاريخ الآن هو الأحد ديسمبر 11, 2016 1:55 pm