مصر هى خالتى...

أأأأأأأه يا بلادى
كلامى عنك بيثير شجونى
بيذل روحى
مع انه كان بيبل ريئى
كان نور طريقى
كلامى عنك
شلال جروح
من قلب مدبوح
ولسان حبيس
خايف يبوح
مش لاقى روح
لكنى مستحمل.

أنا مصرى
وعمرى ما اتمنيت لحظة غير انى اكون مصرى,..
أنا جدى مات اهنا..ا..
أنا والدى تعب وشقى هنا..
وأنا اتولدت هنا..
شوفت فيها أيام هنا..
لكنى مستحمل..

مجروح
ويمكن الجراح عمتنى او تكون شلتنى
لكنها فى يوم ما هدتنى او حتى هزتنى
يمكن تكون علتنى
انا اصلى شيال الهموم
انا اصلى حمال الاسية
او جلدى نحس من كتر المئاسى والجروح المدارية

انا اصلى مجروح من زمان
وبداوى جروحى وبحاول النسيان
انا الفقير الغلبان انا الموظف الشقيان
ان طفل الشوارع انا الارملة انا العانس انا المسكين
وانا العاطل
دقيت على كل الببان طهئت من المزلة من الحرمان
وانا الفارس وانا الحارس وانا صوت الاذان
تلقاتى فى كل مكان
انا اللى الظلم علمنى الصمت والوهن الذل والجبن والخذلان
.
أنا اتولدت هنا..
شوفت فيها أيام هنا..
لكنى مستحمل..

دا حقها عليا..
وايه ذنبها هيا..
انا كل ذرة تراب فيها..
ليها ف قلبى ذكرى..
وكل ورقة شجر ليها معايا قصة..
دا انا كلة لسعة شمس بتزيد حبها ف قلبى..
وكل لطشة برد..
بتزيد دفا دربى..
وادينى مستحمل..

وبخطرى ناوى أكمل..
لا يوم الفساد هدنى..
ولا الظلام هزنى..

وأأأأأأأه يا بلادى

مجروحين والخوف ملينا
متغربين والشوق كوينا
من سنين صابرين عليكى
من قسوتك قستينا
بس برضه بلدنا وانتى
نصرتك واجبا علينا
امنا وحبك ملينا
يا بلدنا مستحيل القلب يقسى
او ف يوم يغضب عليكى
ربنا بنور طريقك
ربنا يرضى عليكى
يا بلدنا ياللى شايلة الحمل كله
والزمن دايرعليكى
يابلدنا احنا ليكى ...احنا ليكى
من زمان واحنا فى عنيكى

أنا اتولدت هنا..
شوفت فيها أيام هنا..
لكنى مستحمل..
.
دا أنا ممكن اتحلل..
يلاقونى مريض بمصر..
مريض بالقوة..والصبر...
مريض بالأصالة..
ف عالم ملهوش أصل..
مريض بالصدق..
ف عالم مابيصدقش...
وبالطيابة..
ف عالم ما لهوش قلب..

وأأأأأأأأه يا بلادى

كلامى عنك بيثير شجونى
بيذل روحى
مع انه كان بيبل ريئى
كان نور طريقى
كلامى عنك
شلال جروح
من قلب مدبوح
ولسان حبيس
خايف يبوح
مش لاقى روح
لكنى مستحمل.

تسلمى ياروبى

بس مصر لو كانت خالتى كان زمان خالتى الله يرحمها دلوقتى

ههههههههههههههههههههههههههه

ميرسى يا قمر على التوبيك