MA3AKCAFE

عزيزى الزائر.....نرجو منك الدخول وسرعة التسجيل لكى تتمتع بكل ماهو جديد وحصرى مع تحيات تيم معاك
MA3AKCAFE

أجدد الأفلام الأجنبية من السينما إليك مباشرة

كل عام وكل اعضاء معاك كافى بخير رمضان كريم ...بمناسبه شهر مضان سيتم اعلان اقسام رمضانيه جديده ستكون متاحه طوال فتره الشهر الكريم ..وسيتم اعلان مشرفين جدد .. واتمنى التوفيق للجميع .... تيم معاك

    برنامج انا و البطيخ وهوااك .. برنامج .. للحب.. و عن الحب

    شاطر

    MODY 4 EVER
    معاك صغنطوط
    معاك صغنطوط

    ذكر عدد الرسائل : 53
    العمر : 25
    الموقع : http://www.ma3akcafe.com
    العمل/الترفيه : Captain
    المزاج : حللللللللللللللللللللللللو
    اعلام الدول :
    المود :
    نقاط : 5401
    تاريخ التسجيل : 13/09/2009

    برنامج انا و البطيخ وهوااك .. برنامج .. للحب.. و عن الحب

    مُساهمة من طرف MODY 4 EVER في الإثنين سبتمبر 14, 2009 11:26 am

    [size=18][size=12]
    انا و البطيخ وهوااك .. برنامج .. للحب.. و عن الحب

    مع المذيع اللامع محمود العربى
    وصاحب قلب حنين

    الحب

    ذلك الشعور السهلبيسي الذي يزغزغ عقول البشر

    و يهشك قلوبهم

    مستمعينا لسه بنتكلم عن الحب وحلقتنا النهارده عن

    الاستهبال في الحب

    معاكم محمود العربى علي»-(¯`v´¯)-»(¯`·._.·{love-never-end}·._.·´¯)»-(¯`v´¯)-»

    في.. انا و البطيخ و هواك

    من دلوقتي ولمدة ساعتين

    مستنين تليفوناتكم علي 6066

    او علي 8555022

    او علي ايميل الجروب دووووووووت كووووووووووووم
    علي هواك ات نيل راديو بروداكشن دوووت كوووم


    دايما بتمر بينا اوقات بنحس فيها اننا مش قادرين نعيش من غير الحب و من غير الحبيب

    و الشعور دا متولد و منبثق من الاحساس التواجدي الكوني في اللامركزيه العصبيه للقلب

    و دايما بتقابلنا مواقف كلها استهبال في الحب

    ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..

    وخصوصا اننا جيل موبايلات و انتوا عارفين ان انا عندي 19سنة فحاسس بيكم و حاسس بمشاكل الجيل كلها ...



    اولا
    الرصيد اللي بيخلص في يوم و انت لسه شاحن كارت ب 100 و تفضل تحرق في دقايق
    علي حبيبتك و في الاخر لما الرصيد يقرب يخلص تقولها بحبك بحبك امموووه

    تقولك انت بتستهبل يا حبيبي اتلم ( سويرس ) يشوفنا


    او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش

    و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..

    فتضطر تصالحها بكارت ب 5 و تستهبل .. تلاقيها بتصرخ في وشك و تقول

    انت بتستهبل؟؟

    اقل من 200 متورنيش خلقتك


    و حبيبك اللي ييجي في اوقات يعمل فيها عالم فلك و يقولك انا بقرا الكف

    و يفضل ماسك في كف ايدك ولا كأنه شاف ايدين قبل كدا

    و في الاخر تقوليله

    انت بتستهبل ؟؟ حد يشوفنا


    مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه

    وممكن مغص كلوي


    مستمعينا مستني تليفوناتكم علي 6066

    او علي 8555022

    او علي ايميل الجروب دووووت كوووووم
    علي هواك ات نيل راديو بروداكشن دوووت كوووم


    نستقبل اول اتصال تليفوني و نقول الوو


    الوو



    الووو



    الووووو


    انتى يا حاجه


    واضح ان الخط قطع

    - الوو ايوا يا محمود

    اهلا نتعرف بيكي ..


    - بثمه من بنــــــــــــــــها


    اهلا بيكي يا بسمه ياريت تعلي صوتك شويه


    - معلش يا محمود اثل انا بتكلم من تحت البطنية ..


    مفهوم طبعا عشان محدش يقفشك و انتى بتتكلمي

    بثمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لكى ايه


    - بص يا محمود اولا انا بموت موت موت جدا في البرنامج بتاعك و والله مش بفوت ولا حلقة منه ابدا خالث

    و ثلملي علي الشقي الحكروت موت موت ( بث بقي اللى هوه زي اسمك ده ) و قوله انه لذيذ اووووي و بنحبه مووت موووت ..


    هو بيضحك وفاتح بقه زي المفجوع اهوه و بيقولك

    مرسي ليكي يا بسمه


    - يا محمود انا بكلمك عشان الحلقة بتاعتك النهارده مخثوث عشاني

    انا كنت بحب واحد و انا في 2 ابتدائي و فضلنا نحب بعض للجامعة

    جميل

    - اهـء اهـء اهـء

    لا اهدي يا بسمه و قوليلي ايه اللي حصل

    - يا محمود اخد كل حاجة كل حاجة

    اححمم

    حتى الموبايل

    خد الموبايل يا بسمه

    - يا محمود بقولك كل حاجة

    اهـء هـء هـء

    طيب اهدي يا بسمه

    بصي يا بسمه

    الحب شعور متبادل بين اتنين

    مينفعش طرف واحد من غير الطرف الاخر و لازم الاتنين يكونوا متفاهمين و متعاونين

    هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد

    برغوته الجديدة حل المشكله

    مستمعينا نسينا نقول ان تايد من رعاة البرنامج

    مع تاااااايد في الغسيل مفيش مستحييل

    بشكرك يا بسمه علي اتصالك و بهديلك اغنية السوبر ستار

    يا قاعدة علي الترعه و بتغسلي المواعين

    جاتك ستين وكسه أخدتي أيه من الغسيل

    نص ساعة اعلانات ..


    انا و البطيخ و هواك برنامج للحب و عن الحب

    مع اوووووووووومحمود العربى


    الحب

    لحظات من الامل متولدة في وسط غابات الغضب البشري الجارف المتعارض مع احداث الحياة

    فالحياة بدون حب

    كالشجرة بدون قرود ..

    مستمعينا لسه بنتكلم عن الحب و لسه بنسأل عن الاستهبال في الحب

    مستني تعليقاتكم علي 6066 او علي 8555022

    او علي ايميل الجروب دووووت كووووم
    علي هواك ات نيل راديو بروداكشن دوت كوم برعاية بيبسي و كوكا كولا و تايد و برسيل و اومو و اريال ..


    الوقت
    بيمر معاكم بسرعة و(بث بقي )بيضحك مش عارف علي ايه بس تقريبا عشان البت
    اللي بتبيع ترمس علي كوبري ابو العلا حولت له 5 جنية رصيد ..

    هاه ؟؟ عشره رصيد

    طيب اشطه .. اخوك بقا هاه

    نستقبل اتصال تليفوني و نقول الووو

    الووو


    الووو


    الوووووو


    يووووووه انتى يا بت


    الظاهر الخط قطع


    الوو ايوا يا محمود

    اهلا نتعرف بيكي

    ياريت تعلي صوتك لان الصوت بعيد اوي

    _معلش اصل انا بكلمك من المطبخ


    انا اسماء من المنصورة

    اهلا بيكي يا اسماء

    اسماء بنتكلم النهادرة عن الاستهبال في الحب

    انتى ايه رأيك في الاتستهبال عامة و خصوصا في الحب

    _محمود
    انا عاوزه اقولك في الاول انت انت احلى و اجمل اعلامي و صوت شفته في حياتي
    و انا بسجل كل الحلقات بتاعتك و بحبك اوووي يا مووووووووووودى


    ربنا يخليكي ياسماء ..

    انا كنت بحب واحد نجار مسلح و بعدين كنت في يوم ماشية في الشارع لابسه باضي جميل و ديق موووت و بعدين واحد عاكسني فحبيبي شلحف

    مين يااسماء ؟؟

    _شلحف هو اسمه شادي بس انا بدلعه شلحف

    قام ضارب الواد اللي عاكسني بالحديد شاقق له دماغه

    هو دلوقتي في السجن

    و انا بحبه اوي يا محمود و مش عارفه اعمل ايه

    و اهلي بيضغطوا عليا مووووت مووووت عشان اتجوز واحد قد ابويا

    محمود انا مش عارفه اعمل ايه

    أنا بحب شلحف أوي

    بصي يا سيدة
    _اسماء
    اه سوري
    بصي يا اسماء

    بنقابل ناس في حياتنا بنحبهم و بيحبونا و ديما كتير بنكون شبهم و زيهم .. حتى الحب نفسه سعات بيحب انه يتكون على حبيب و حبيبه

    و حبيبك بيحبك و ان شاء الله يطلع بالسلامة

    بس
    تعرفي هو لو كان الحديده مصنوعه من حديد عز اكبر مصنع في الشرق الاوسط و
    المصدر الرسمي لحديد الجدار العازل كان حبيبك زمانه مشنوق دلوقتي لان حديد
    عز يتميز بالصلابه و القهوه و السيخ مظبوط و بالتمام ..

    شكرا يا اسماء على اتصالك و بهديلك اغنية السوبر ستار

    يا مسجون في لومان طره
    نفسي اكل معاك كوز دره

    اس ام اس كتيرررر جدا النهاردة

    هااي
    محمود بحبك مووت... وبحب صوتك .. .. بجد وهدؤك بالكلام انا بحبك اوى موووت
    انا اتعرفت على واحد من ع النت وقابلته بس نفسى احسسه بمشاعرى اعمل ايه
    ارجو الرد يااحلى اعلامى واعذب صوت فى الكون..
    __________________
    هاى محمود ازيك يا جميل

    البرنامج
    جميل جدا وانت كمان مواضيعك تحفة .. وعايزاك تقول لجابر انى بحبه جدا
    وميزعلش منى ابدا.. رغم كل اللي بيعمله و رغم انه قليل الادب و دايما
    بيعمل حاجات سوفاج بس بحبه
    بحبك يا تامر
    قصدي يا جابر
    حبيبتك شاهيناز
    _______________
    هاى محمود انا امين من الاردن عاوزك تقول لهبة اننا مش هانفترق تاني ابدا ابداا

    حتى لو فضلت تقرقض في ضوافر رجليها ببقها ..
    __________________
    هااي يا محمود ازيك
    يا
    محمود عاوز الايميل بتاعك بجد في مواضيع مهمه قوي عندي عاوز الحل ليها ..
    معلش يا محمود بليز و الله يا محمود انا تعبانه موووت و انت الامل الوحيد
    ليا ..
    __________________
    هااي محمود يا احلي و اجمل صوت في الدنيا

    محمود بليز ممكن حلقه عن الحب من طرف واحد اصل اخوك كهربائي سيارات ...

    بحبك مووووت يا حودة
    __________________

    هااي يا محمود انت اجمل و احلي صوت في الكون كله

    ارجوك
    يامحمود قول لحسن انه مهما دور على حد ممكن يحبه ويسامحه ويغفر له كل حاجه
    مش هيلاقى غيرى لانى بحبه بصدق ومش عاوزة منه اى حاجه
    خالص.. و هتنازل عن تمن الموبايل اللي ضربوا مني في الشهر اللي فات و باعه
    __________________
    محمود محمود محمود
    ازيك يا جميل
    على فكره يا عم انت شوفلك حل .. حبيبتى بتحبك
    انا محمدين من دمياط .. بحبك قوى يا رضوى
    __________________
    هاااي يا محمود ازيك عامل ايه

    انا
    عارفه ان الحب مفهوش كرامه وهو الى خلانى بقيت كدة ازاى بعد كل دة هو اللى
    يبعد ويختار هو علمنى ازاى معرفش اعيش من غيرة ونسى يعلمنى لما يبعد هعيش
    ازاى ... بحبك يا بعجررر
    __________________
    هاااى محمود انا فى عندى مشكله انا بحب واحده ومش عارف اصرحها خايف يكون الحب من طرف واحد
    بحبك يا سندس ااوووي و نفسي اخد الرصيد اللي في موبايلك كله
    __________________
    هاااي محمود ازيك
    انا سنية من القاهرة
    انا
    بحب واحد قد ابويا و مش عارفه اعمل ايه بحبه موووت مووووت يا محمود عشان
    شعره الابيض الجميل و فجأة اكتشفت انه سمكري سيارات و ان البويه جت علي
    شعره
    محمود انا مش عارفه اعمل ايه انت املي الوحيد
    __________________
    هاااي محمود ازيك
    انا عيوشه من شبرا و بحب واحد من الصعيد
    و اتخانقنا بس لما سمع الحلقة بتاعت البرنامج اللي فاتت جاني تحت البلكونه من الصعيد مشي و قعد يعيط و انا بحبه خالص يا محمود
    بحبك يا صميده موووت موت
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    الوقت بيمر معاكم بسرعة وقت حلقتنا انتهى و(بث بقي )فرحان مش عارف ليه
    باين البنت بتاعت الدره حولت له رصيد تاني
    كان معاكم محمود العربى من علي نجوم »-(¯`v´¯)-»(¯`·._.·{love-never-end}·._.·´¯)»-(¯`v´¯)-»
    في انا و البطيخ و هواك من 12 لـ 2
    بشكر كل اللي كلمنا و اللي بعت ا س ام اس
    مع
    انا و البطيخ و هواك استنوتا يوم الحد في نفس الميعاد قبل ساعتين من
    دلوقتي علي الجروب »-(¯`v´¯)-»(¯`·._.·{love-never-end}·._.·´¯)»-(¯`v´¯)-»
    برعاية (MODY 4 EVER)
    الجروب...»-(¯`v´¯)-»(¯`·._.·{love-never-end}·._.·´¯)»-(¯`v´¯)-»
    ?????????

    مع تحيات محمود العربى

    وشكرااااااااااااااا....



    عدل سابقا من قبل MODY 4 EVER في الأربعاء سبتمبر 16, 2009 8:56 pm عدل 1 مرات

    MODY 4 EVER
    معاك صغنطوط
    معاك صغنطوط

    ذكر عدد الرسائل : 53
    العمر : 25
    الموقع : http://www.ma3akcafe.com
    العمل/الترفيه : Captain
    المزاج : حللللللللللللللللللللللللو
    اعلام الدول :
    المود :
    نقاط : 5401
    تاريخ التسجيل : 13/09/2009

    رد: برنامج انا و البطيخ وهوااك .. برنامج .. للحب.. و عن الحب

    مُساهمة من طرف MODY 4 EVER في الإثنين سبتمبر 14, 2009 11:30 am

    يا جماعة البرنامج دة والله حلو يا ريت تقرئو وقولولى رئيكم اية ؟؟؟

    dr_smsm

    ذكر عدد الرسائل : 2
    العمر : 25
    اعلام الدول :
    المود :
    نقاط : 5417
    تاريخ التسجيل : 12/07/2009

    رد: برنامج انا و البطيخ وهوااك .. برنامج .. للحب.. و عن الحب

    مُساهمة من طرف dr_smsm في الجمعة سبتمبر 18, 2009 3:47 am

    و الله البرنامج دا فعلا جامد
    شكرا بجد عالمجهود الرائع

      الوقت/التاريخ الآن هو الخميس ديسمبر 08, 2016 9:53 am