انا زي أي حد باحلم زي الناس بالحب المجنون، في
الأول كانت بنت عمي بتحبني جامد؛ ولكن في الفترة دي ما كنتش أقدر أحب حد أو
أحسس حد بده، وما باعرفش أقول لحد إني بحبه وأنا مش حاسسها، وما باعرفش
أضحك على حد.
المهم هي ملّت وحبت واحد تاني، ضحك عليها
وحسسها إن ما فيش غيرها، وضحك عليها وبدأت التنازلات وإنتم عارفين الباقي؛
بس هي سليمة، وهي اللي قالت ليه ده وما اتكسفتش.
وقالت إنها عايزة ترجع، وأنا وافقت لأني حسيت
بيها أكتر من أي حد تاني، وعندي قدرة على قراءة أي حد وأعرف أعلّق أي بنت
مهما كانت؛ بس ما كنتش بارضى.. وحسيت إن فيه حاجة فيها انكسرت، وبعدها
حرّمت عليها الخروج وحكَمْتها شوية.
وجت بعدها قالت لي إنها ما بتحبنيش، -وده
اللي أنا حاسه- بسبب قلة ثقتي فيها، بالرغم من الثقة العمياء فيها.
ودلوقتي مش عارف أعمل إيه، حاسس إن فيها خير
وهي أوْلى من أي حد تاني، وفيها صفات كتير حلوة؛ بس أنا عارف إنها مهما
أخدت هيفضل دايماً إحساس إن ناقصها حاجة لسه موجود، هي صعبانة عليّ؛ لكن
الغلطة دي محت كل حاجة حلوة، وعايز أقول لها على الصح ومش عارف أعمل إيه
ليها وليّ.
أنا مش عارف أخرّج اللي جوايا أكتر من كده..
يا ريت محتاج رد في أقرب وقت.